அல்லு அர்ஜுன் நடிப்பில் உருவாகி இருக்கும் புஷ்பா 2 என்று சொல்லப்படும் புஷ்பா தி ரூல் படத்தின் மிரட்டலான ட்ரெய்லர் வெளியாகியுள்ளது.
அல்லு அர்ஜுன் நடிப்பில் கடந்த 2021 ஆம் ஆண்டு புஷ்பா தி ரைஸ் எனும் திரைப்படம் வெளியாகி இந்திய அளவில் பிரபலமானது. செம்மரக்கட்டை கடத்தல் சம்பந்தமான கதைக்களத்தில் உருவாகி இருந்த இந்த படத்தினை சுகுமார் இயக்கி இருந்தார்.
இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வெற்றி பெற்றது. அதைத் தொடர்ந்து இந்த படத்தின் இரண்டாம் பாகம் புஷ்பா தி ரூல் என்ற தலைப்பில் உருவாகி வருகிறது. இதில் முதல் பாகத்தில் நடித்திருந்த அல்லு அர்ஜுன், பகத் பாஸில், ராஷ்மிகா மந்தனா ஆகியோர் முக்கிய கதாபாத்திரங்களில் நடித்திருக்கின்றனர். நடிகை ஸ்ரீ லீலா பாடல் ஒன்றுக்கு நடனமாடியுள்ளார். மைத்ரி மூவி மேக்கர்ஸ் நிறுவனம் இந்த படத்தை தயாரிக்க தேவி ஸ்ரீ பிரசாத் இதற்கு இசையமைத்திருக்கிறார். மிகுந்த எதிர்பார்ப்புகளுடன் உருவாகி வரும் இந்த படமானது வருகின்ற டிசம்பர் மாதம் 5ஆம் தேதி தமிழ், தெலுங்கு, மலையாளம், இந்தி, கன்னடம் முன்னிட்டு பல மொழிகளில் திரைக்கு வர முழு வீச்சில் தயாராகி வருகிறது. ஏற்கனவே டீசரும் அடுத்தடுத்த பாடல்களும் வெளியாகி ரசிகர்களை கவர்ந்த நிலையில் தற்போது இப்படத்தின் ட்ரெய்லர் வெளியாகி இருக்கிறது. இந்த ட்ரெய்லரில் ஆக்சன் காட்சிகளும் பாடல் காட்சிகளும் காட்டப்படுகின்றன.
அல்லு அர்ஜுன் வழக்கம்போல் மிரட்டி இருக்கிறார். பின்னணி இசையும் தெறிக்கவிட்டுள்ளது. அடுத்தது புஷ்பா என்பது பெயர் இல்லை அது பிராண்ட் போன்ற வசனங்கள் இடம் பெற்றுள்ள நிலையில் அது ரசிகர்களுக்கு கூஸ்பம்ஸ் கொடுத்துள்ளது. எனவே புஷ்பா முதல் பாகத்தை போல் இரண்டாம் பாகமும் அதிக வசூலை வாரிக் குவிக்கும் என்று எதிர்பார்க்கப்படுகிறது. இந்த ட்ரெய்லரை ரசிகர்கள் பலரும் சமூக வலைதளங்களில் பகிர்ந்து வைரலாக்கி வருகின்றனர். மேலும் இந்த ட்ரெய்லர் தற்போது தெலுங்கு மற்றும் இந்தி மொழியில் வெளியாகி உள்ளது என்பது குறிப்பிடத்தக்கது.