வசூல் வேட்டை நடத்தும் ‘அமரன்’ …. ஒரு வாரத்தில் இத்தனை கோடியா?

அமரன் திரைப்படத்தின் வசூல் குறித்த லேட்டஸ்ட் அப்டேட் வெளியாகி உள்ளது.

சிவகார்த்திகேயன் நடிப்பில் கடந்த அக்டோபர் 31ஆம் தேதி தீபாவளி தினத்தன்று வெளியான படம் தான் அமரன். இந்த படம் தமிழ், தெலுங்கு, மலையாளம், இந்தி, கன்னடம் முன்னிட்டு உலகம் முழுவதும் வெளியிடப்பட்டது. மறைந்த மேஜர் முகுந்த் வரதராஜனின் வாழ்க்கை வரலாற்றை தழுவி உருவாக்கப்பட்டிருந்த இந்த படத்தில் நடிகர் சிவகார்த்திகேயன் ராணுவ அதிகாரியாக நடிக்க அவருக்கு ஜோடியாக சாய்பல்லவி நடித்திருந்தார். மேலும் இவர்களுடன் இணைந்து ராகுல் போஸ் முக்கிய கதாபாத்திரத்தில் நடித்திருந்தார். இந்த படத்தினை ரங்கூன் படைய இயக்குனர் ராஜ்குமார் பெரியசாமி இயக்கியிருந்தார். உலக நாயகன் கமல்ஹாசனின் தயாரிப்பிலும் ஜி.வி. பிரகாஷின் இசைகளும் இந்த படம் உருவாகி இருந்தது. மிகுந்த எதிர்பார்ப்புகளுடன் வெளியான இந்த படம் ரசிகர்கள் மத்தியில் பேராதரவை பெற்று வெற்றிப்பாதையில் நகர்ந்து கொண்டிருக்கிறது. ரஜினி, சூர்யா உள்ளிட்ட பல பிரபலங்கள் இந்த படத்தை பாராட்டி வருகின்றனர். அதே சமயம் இந்த படம் வசூலிலும் சாதனை படைத்து வருகிறது. அந்த வகையில் அமரன் படம் வெளியான ஒரு வாரத்தில் உலகம் முழுவதும் கிட்டத்தட்ட 200 கோடிக்கும் அதிகமாக வசூல் செய்துள்ளது என புதிய தகவல்கள் தெரிவிக்கின்றன. விரைவில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.