அமரன் படத்தின் ஓடிடி ரிலீஸ் தேதி அறிவிக்கப்பட்டுள்ளது.
சிவகார்த்திகேயன் நடிப்பில் கடந்த அக்டோபர் 31ஆம் தேதி தீபாவளி தினத்தன்று உலகம் முழுவதும் வெளியான படம் தான் அமரன். 
இந்த படம் சிவகார்த்திகேயனின் 21வது படமாகும். இந்த படத்தை ராஜ்குமார் பெரியசாமி இயக்க கமல்ஹாசனின் ராஜ்கமல் ஃபிலிம்ஸ் இன்டர்நேஷனல் நிறுவனம் படத்தினை தயாரித்திருந்தது. ஜிவி பிரகாஷ் இந்த படத்திற்கு இசைய வைத்திருந்தார். C.H. சாய் இதன் ஒளிப்பதிவு பணிகளை கவனித்திருந்தார். இந்த படமானது மறைந்த மேஜர் முகுந்த் வரதராஜனின் வாழ்க்கை வரலாற்றை மையமாக வைத்து உருவாக்கப்பட்டிருந்தது. அதன்படி இதில் சிவகார்த்திகேயன் ராணுவ அதிகாரியாக நடித்திருந்தார். இந்த படத்தில் முகுந்த் வரதராஜனாக நடித்த சிவகார்த்திகேயனும் இந்து ரெபேக்கா வர்கீஸ் என்ற கதாபாத்திரத்தில் நடித்திருந்த சாய் பல்லவியும் தங்களின் சிறப்பான நடிப்பை வெளிப்படுத்தி பல்வேறு தரப்பினர் இடையே பாராட்டுகளை பெற்றுள்ளனர். இன்று வரையிலும் இந்த படம் ரசிகர்கள் மத்தியில் பேசப்பட்டு வருகிறது. 
கிட்டத்தட்ட 30 நாட்களைக் கடந்த திரையரங்குகளில் வெற்றி நடை போடும் அமரன் திரைப்படம் சுமார் 300 கோடிக்கும் அதிகமாக வசூல் செய்துள்ளது. இந்நிலையில் இந்த படமானது வருகின்ற டிசம்பர் 5ஆம் தேதி நெட்பிளிக்ஸ் ஓடிடி தளத்தில் தமிழ், தெலுங்கு, மலையாளம், இந்தி, கன்னடம் உள்ளிட்ட பல மொழிகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.