அமரன் படத்தின் ஓடிடி ரிலீஸ் ஒத்திவைக்கப்பட்டுள்ளதாக தகவல் வெளியாகியிருக்கிறது.
தமிழ் சினிமாவில் தவிர்க்க முடியாத நடிகராக வலம் வரும் சிவகார்த்திகேயன் நடிப்பில் கடந்த அக்டோபர் 31ஆம் தேதி தீபாவளி தினத்தன்று உலகம் முழுவதும் திரையிடப்பட்ட படம் தான் அமரன். இந்த படத்தை ராஜ்குமார் பெரியசாமி இயக்க ராஜ்கமல் பிலிம்ஸ் இன்டர்நேஷனல் நிறுவனம் படத்தினை தயாரித்திருந்தது. இந்த படம் தீவிரவாதிகளின் தாக்குதலின் போது வீர மரணமடைந்த முகுந்த் வரதராஜனின் வாழ்க்கை வரலாற்றை தடவி உருவாக்கப்பட்டிருந்தது. அதன்படி இந்த படத்தில் சிவகார்த்திகேயன் ராணுவ அதிகாரியாக நடிக்க அவருக்கு ஜோடியாக சாய்பல்லவி நடித்திருந்தார். ஜிவி பிரகாஷ் இதற்கு இசையமைத்திருந்தார். CH சாய் இதன் ஒளிப்பதிவு பணிகளை கவனித்திருந்தார். மிகுந்த எதிர்பார்ப்புகளுடன் வெளியான இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வெற்றி பெற்று வருகிறது. அதன்படி தற்போது வரை இந்த படம் உலகம் முழுவதும் சுமார் 250 கோடி வரை வசூல் செய்துள்ளதாக தகவல் வெளியாகி வருகின்றனர். மேலும் பல்வேறு தரப்பினரிடையே இந்த படம் பாராட்டுகளை பெற்று வருகிறது.
இந்நிலையில் தான் இந்த படம் இந்த மாதம் இறுதியில் அல்லது டிசம்பர் மாதம் முதல் வாரத்தில் நெட்பிளிக்ஸ் தளத்தில் வெளியாகும் என சமூக வலைதளங்களில் பல தகவல்கள் வெளிவந்து கொண்டிருக்கின்றன. ஆனால் தற்போது கிடைத்த தகவல் என்னவென்றால், அமரன் திரைப்படம் ரசிகர்களை வெகுவாக கவர்ந்து இரண்டு வாரங்களை கடந்து வெற்றிகரமாக ஓடிக்கொண்டிருப்பதால் இதன் ஓடிடி ரிலீஸ் தேதி ஒத்திவைக்கப்பட்டுள்ளதாக சொல்லப்படுகிறது. அந்த வகையில் இந்த படம் டிசம்பர் மாதம் முதல் வாரத்தில் இருந்து தள்ளிப்போகும் என புதிய அப்டேட் வெளிவந்துள்ளது.
விரைவில் அதிகாரப்பூர்வ அறிவிப்பு வெளியாகும் எனவும் எதிர்பார்க்கப்படுகிறது.