‘அமரன்’ படத்தின் ஓடிடி ரிலீஸ் குறித்த அப்டேட்!

அமரன் படத்தின் ஓடிடி ரிலீஸ் குறித்த அப்டேட் வெளியாகியுள்ளது.

கடந்த அக்டோபர் 31ஆம் தேதி தீபாவளி தினத்தன்று சிவகார்த்திகேயன் நடிப்பில் அமரன் எனும் திரைப்படம் வெளியானது. தமிழ், தெலுங்கு, மலையாளம், இந்தி, கன்னடம் உள்ளிட்ட மொழிகளில் உலகம் முழுவதும் வெளியான இந்த படம் ரசிகர்கள் மத்தியில் பெரும் வரவேற்பை பெற்று வருகிறது. இந்த படத்தை ராஜ்குமார் பெரியசாமி இயக்க சிவகார்த்திகேயன் ஹீரோவாக நடித்திருந்தார். மறைந்த மேஜர் முகுந்த் வரதராஜனின் பயோபிக் படம் என்பதால் ஆரம்பத்தில் இருந்தே இந்த படத்தின் மீதான எதிர்பார்ப்பு அதிகமாக இருந்து வந்தது. அதன்படி இந்த படமும் பாசிட்டிவான விமர்சனங்களை பெற்று ரசிகர்களின் எதிர்பார்ப்பை பூர்த்தி செய்துள்ளது. சிவகார்த்திகேயன் மற்றும் சாய் பல்லவி ஆகிய இருவரும் தங்களின் சிறந்த நடிப்பை வெளிப்படுத்தி பல்வேறு தரப்பினரிடைய பாராட்டுகளை பெற்று வருகின்றனர். அதன்படி ரஜினி, சிவகுமார், சூர்யா, ஜோதிகா என பலரும் இந்த படத்தை பாராட்டி வருகின்றனர். இந்நிலையில் இந்த படத்தின் ஓடிடி ரிலீஸ் குறித்த அப்டேட் வெளியாகியுள்ளது. அதன்படி இப்படமானது வருகின்ற டிசம்பர் மாதம் முதல் வாரம் அல்லது இரண்டாவது வாரத்தில் நெட்பிளிக்ஸ் ஓடிடி தளத்தில் வெளியாகும் என தற்போதைய தகவல்கள் தெரிவிக்கின்றன. இனிவரும் நாட்களில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.