- Advertisement -
உலக அழகி பட்டம் வென்ற ஐஸ்வர்யா ராய் இந்திய சினிமாவில் முன்னணி கதாநாயகி ஆவார். தமிழில் இருவர் படத்தின் மூலம் அறிமுகமானார். மணிரத்னம் இயக்கத்தில் உருவான இப்படத்தில் ஐஸ்வர்யா ராய் நாயகியாக நடித்திருப்பார். இதைத் தொடர்ந்து ஷங்கர் இயக்கிய ஜீன்ஸ், கண்டுகொண்டேன் கண்டு கொண்டேன், ராவணன், எந்திரன், ஆகிய படங்களில் நடித்திருக்கிறார். அண்மையில் மணிரத்னம் இயக்கத்தில் வெளியான பொன்னியின் செல்வன் படத்தில் நந்தினியாக நடித்து அனைவரின் கவனத்தையும் ஈர்த்தார் ஐஸ்வர்யா ராய்.
அவர் கடந்த 2007-ம் ஆண்டு பாலிவுட் சூப்பர் ஸ்டார் அமிதாப் பச்சனின் மகனும், நடிகருமான அபிஷேக் பச்சனை திருமணம் செய்து கொண்டார். இத்தம்பதிக்கு கடந்த 2011-ம் ஆண்டு ஆராத்யா என்ற பெண் குழந்தை பிறந்தது. குழந்தை பிறந்த பின்பு, சில ஆண்டுகள் படங்களில் நடிக்காமல் இருந்த ஐஸ்வர்யா ராய், தமிழில் மீண்டும் என்ட்ரி கொடுத்தார். ஷங்கர் இயக்கிய எந்திரன் திரைப்படத்தில் அவர் ரஜினிக்கு ஜோடியாக நடித்திருந்தார்.
