ஏ.ஆர். ரகுமானின் ‘மறக்குமா நெஞ்சம்’ இசை நிகழ்ச்சி ரத்து

ஏ.ஆர். ரகுமானின் ‘மறக்குமா நெஞ்சம்’ இசை நிகழ்ச்சி ரத்து

இசையமைப்பாளர் ஏ.ஆர். ரகுமானின் ‘மறக்குமா நெஞ்சம்’ என்ற இசை நிகழ்ச்சி மோசமான வானிலை காரணமாக ரத்து செய்யப்படுவதாகவும் மாறாக வேறு ஒரு நாளில் இசை நிகழ்ச்சி நடைபெறும் எனவும் அறிவிக்கப்பட்டுள்ளது.

சென்னை பனையூரில் இன்று நடைபெற இருந்த இசையமைப்பாளர் ஏ.ஆர். ரகுமானின் ’மறக்குமா நெஞ்சம்’ என்ற தலைப்பில் நடைபெற இருந்த இசை கச்சேரி மலையின் காரணமாக ரத்து செய்யப்பட்டுள்ளது. திறந்தவெளியில் 30 ஆயிரம் பேர் கலந்து கொள்ளும் அளவிற்கு ஏற்பாடு செய்யப்பட்டு இருந்த இசை நிகழ்ச்சியில் மோசமான வானிலை காணப்படுவதால் ரசிகர்களின் பாதுகாப்பின் காரணமாக இன்று ரத்து செய்யப்படுவதாகவும், இசை நிகழ்ச்சி வேறொரு தேதிக்கு மாற்றப்படுவதாகவும் இசையமைப்பாளர் ஏ.ஆர் ரகுமான் ட்விட்டரில் தெரிவித்துள்ளார்.

இதனால் அங்கு கூடியிருந்த ரசிகர்கள் ஏமாற்றத்தோடு வீடு திரும்பினர். மழை மற்றும் ஏ. ஆர் ரகுமானின் இசை கச்சேரி ரத்து செய்யப்பட்ட நிலையில், சோழிங்கநல்லூரில் இருந்து கிழக்கு கடற்கரை இணைக்கும் சாலைகள் முழுவதும் கடும் போக்குவரத்து நெரிசல் ஏற்ப்பட்டது.