அர்ஜுன் தாஸ், அதிதி சங்கர் நடிப்பில் உருவாகி வரும் புதிய படத்தின் படப்பிடிப்பு நிறைவடைந்ததை பட குழு அதிகாரப்பூர்வமாக அறிவித்துள்ளது.
நடிகர் அர்ஜுன் தாஸ் லோகேஷ் கனகராஜ் இயக்கத்தில் வெளியான கைதி, மாஸ்டர் உள்ளிட்ட படங்களின் மூலம் ரசிகர்கள் மத்தியில் பிரபலமானவர். அதை தொடர்ந்து அநீதி, ரசவாதி போன்ற படங்களில் ஹீரோவாகவும் நடித்திருந்தார் அர்ஜுன் தாஸ். மேலும் பல படங்களையும் கைவசம் வைத்துள்ளார். 
இவர் தமிழ் மொழியில் மட்டுமல்லாமல் மலையாளம், தெலுங்கு உள்ளிட்ட மொழி படங்களிலும் பணியாற்றி வருகிறார். இந்நிலையில்தான் கடந்த சில தினங்களுக்கு முன்பாக அர்ஜுன் தாஸ் நடிக்கும் புதிய படம் தொடர்பான அதிகாரப்பூர்வ அறிவிப்பு வெளியானது. 
அதன்படி மணிகண்டனின் குட் நைட், லவ்வர் ஆகிய திரைப்படங்களை இயக்கிய மில்லியன் டாலர் ஸ்டுடியோஸ் நிறுவனம் இந்த படத்தை தயாரிப்பதாகவும் புதுமுக இயக்குனர் விக்னேஷ் ஸ்ரீகாந்த் படத்தை இயக்குவதாகவும் தெரியவந்தது. மேலும் இந்த படத்தில் அர்ஜுன் தாஸுக்கு ஜோடியாக பிரபல இயக்குனர் சங்கரின் மகள் அதிதி சங்கர் நடிக்கிறார். 
கடந்த சில மாதங்களுக்கு முன்பாக இந்த படத்தின் படப்பிடிப்பு பூஜையுடன் தொடங்கப்பட்ட நிலையில் தற்போது ஒட்டுமொத்த படப்பிடிப்பும் நிறைவடைந்துள்ளதாக படக்குழுவினர் அதிகாரப்பூர்வமாக அறிவித்துள்ளனர். இது தொடர்பான புகைப்படங்களும் இணையத்தில் வைரலாகி வருகிறது. எனவே இனிவரும் நாட்களில் படம் தொடர்பான அடுத்தடுத்த அப்டேட்டுகள் வெளியாகும் என்று நம்பப்படுகிறது..