மாணவிக்கு லவ் ப்ரப்போஸ்… இன்ப அதிர்ச்சி கொடுத்த நடிகர் அர்ஜூன் தாஸ்…
கல்லூரி மாணவிக்கு ப்ரபோஸ் செய்து, பிரபல நடிகர் அர்ஜூன் தாஸ் இன்ப அதிர்த்தி கொடுத்துள்ளார். 
கைதி திரைப்படத்தின் மூலம் தமிழ் சினிமாவுக்கு வில்லனாக அறிமுகமானவர் நடிகர் அர்ஜூன் தாஸ். அவரது முகம் அறிமுகமாகும் முன்பே, தமிழ் மக்களுக்கு அவரது குரல் பரீட்சயமானது. விக்ரம் நடித்த துருவ நட்சத்திரம் திரைப்படத்தில் வில்லனுக்கு அர்ஜூன் தாஸ் டப்பிங் கொடுத்திருப்பார். இதைத் தொர்ந்து லோகேஷ் கனகராஜ் இயக்கிய கைதி படத்தில் அன்பு வேடத்தில் நடித்து ரசிகர்களின் ஏகபோக வரவேற்பை பெற்றார். இதைத் தொடர்ந்து லோகி இயக்கிய மாஸ்டர் படத்திலும் விஜய்க்கு வில்லனாக நடித்து அசத்தியிருப்பார்
தொடர்ந்து கமல்ஹாசன் நடித்த விக்ரம் திரைப்படத்திலும் முக்கிய வேடத்தில் நடித்திருந்தார். இதனிடையே அந்தகாரம் படத்தின் மூலம் நாயகனாக அறிமுகமான அர்ஜூன் தாஸ் அடுத்தடுத்து பல படங்களில் கமிட்டாகி நடித்து வருகிறார். புட்ட பொம்மா, அநீதி, போர், ரசவாதி ஆகிய திரைப்படங்களில் நடித்துள்ளார்.
தற்போது விஷால் வெங்கட் இயக்கும் புதிய படத்திலும், லூசிபர் 2 படத்திலும் அர்ஜூன் தாஸ் நடித்து வருகிறார். இந்நிலையில், கல்லூரியில் நடைபெற்ற நிகழ்ச்சி ஒன்றில் அர்ஜூன் தாஸ் பங்கேற்றார். அங்கு மாணவி ஒருவர் ரொமான்டிக் வசனம் பேசச்சொல்லி கேட்டார். அதற்கு சம்மதம் தெரிவித்த அர்ஜூன் மாணவியின் இடத்திற்கே சென்று, வாரணம் ஆயிரம் படத்தின் வசனத்தை சொல்லி காதல் ப்ரப்போஸ் செய்து அசத்தினார். இதைக்கேட்ட மாணவி ஆனந்தத்தில் திளைத்துப்போனார்.
