அர்ஜுன் இயக்கத்தில் உருவாகும் சீதா பயணம் படத்தின் பர்ஸ்ட் லுக் போஸ்டர் வெளியாகி உள்ளது.
ஆக்சன் கிங் என்று ஏராளமான ரசிகர்களால் கொண்டாடப்படுபவர் தான் நடிகர் அர்ஜுன். 
இவர் கிட்டத்தட்ட தமிழ் சினிமாவில் 30 ஆண்டுகளுக்கும் மேலாக பணியாற்றி வருகிறார். அந்த வகையில் இவர் தற்போது அஜித் நடிப்பில் உருவாகும் விடாமுயற்சி திரைப்படத்தில் வில்லனாக நடித்திருக்கிறார். மேலும் தீயவர் குலைகள் நடுங்க போன்ற படங்களையும் கைவசம் வைத்துள்ளார் அர்ஜுன். இதற்கிடையில் இவர் கடந்த 1992- ஆம் ஆண்டிலேயே சேவகன் என்ற படத்தை இயக்கிய அதன் மூலம் இயக்குனராக அறிமுகமானார். அதைத்தொடர்ந்து ஜெய்ஹிந்த், வேதம், ஏழுமலை போன்ற பல படங்களை இயக்கியுள்ளார் அர்ஜுன். அதைத்தொடர்ந்து தனது மகள் ஐஸ்வர்யா நடிப்பில் சொல்லி விடவா எனும் திரைப்படத்தை இயக்கியிருந்தார். தற்போது படம் இயக்குவதில் சிறிய இடைவெளி எடுத்துக்கொண்ட அர்ஜுன் தற்போது மீண்டும் சீதா பயணம் எனும் திரைப்படத்தை இயக்கி வருகிறார். 
இந்த படத்தில் அர்ஜுனின் மகள் ஐஸ்வர்யா மற்றும் நிரஞ்சன் ஆகியோர் முன்னணி கதாபாத்திரங்களில் நடிக்கின்றனர். மேலும் சத்யராஜ் மற்றும் பிரகாஷ்ராஜ் ஆகிவரும் முக்கிய கதாபாத்திரங்களில் நடிக்கின்றனர். இதனை ஸ்ரீராம் பிலிம்ஸ் இன்டர்நேஷனல் நிறுவனம் தயாரிக்க இந்த படம் தமிழ், தெலுங்கு, கன்னடம் உள்ளிட்ட மொழிகளில் தயாராகி வருகிறது. இந்நிலையில் இந்த படத்தின் பர்ஸ்ட் லுக் போஸ்டர் வெளியாகி இணையத்தில் வைரலாகி வருகிறது.