அருள்நிதி நடிப்பில் கடந்த 2015 ஆம் ஆண்டு வெளியான திரைப்படம் டிமான்ட்டி காலனி . அஜய் ஞானமுத்து இயக்கியிருந்த இந்த படத்தில் அருள் நிதியுடன் இணைந்து சனந்த், அபிஷேக் ஜோசப் , ரமேஷ் திலக் மற்றும் பலர் நடித்திருந்தனர். ஹாரர் திரில்லர் கதைக்களத்தில் வெளியான இப்படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வரவேற்பை பெற்றது.
டிமான்ட்டி காலனி படத்தின் மாபெரும் வெற்றிக்குப் பிறகு ஏழு வருடங்கள் கழித்து அஜய் ஞானமுத்து டிமான்ட்டி காலனி இரண்டாம் பாகத்தை இயக்கியுள்ளார். டிமான்ட்டி காலனி 2 VENGEANCE OF THE UNHOLY என்று பெயரிடப்பட்டுள்ள இப்படத்தில் அருள்நிதி, பிரியா பவானி சங்கர், அருண் பாண்டியன், முத்துக்குமார், வி ஜே அர்ச்சனா உள்ளிட்டோர் முக்கிய கதாபாத்திரங்களில் நடித்துள்ளனர். ஞானமுத்து பட்டறை மற்றும் ஒயிட் நைட் என்டர்டெயின்மெண்ட் ஆகிய நிறுவனங்கள் தயாரித்துள்ள இந்த படத்திற்கு சாம்.சி .எஸ் இசையமைத்துள்ளார். படத்தின் படப்பிடிப்புகள் முழுவதும் நிறைவடைந்து ரிலீசுக்கு தயாராகி வருகின்றன. இதற்கிடையில் டிமான்ட்டி காலனி 2 படத்தின் ஃபர்ஸ்ட் லுக் வெளியாகி எதிர்பார்ப்பை அதிகப்படுத்தியது.
அதைத்தொடர்ந்து தற்போது டிமான்ட்டி காலனி 2 படத்தின் டிரைலர் வருகின்ற டிசம்பர் 16ஆம் தேதி வெளியாக இருப்பதாக படக்குழுவினர் புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளனர்.