ஜனநாயகன் படத்தின் லேட்டஸ்ட் அப்டேட் வெளியாகியுள்ளது.
விஜயின் 69ஆவது படமாக உருவாகி வரும் திரைப்படம் தான் ஜனநாயகன். ஹெச். இயக்கும் இந்த படத்தை கே வி என் ப்ரொடக்ஷன்ஸ் நிறுவனம் தயாரிக்க அனிருத் இதற்கு இசையமைக்கிறார். இந்த படத்தில் விஜயுடன் இணைந்து பூஜா ஹெக்டே, மமிதா பைஜு, பிரகாஷ்ராஜ், கௌதம் மேனன், பிரியாமணி, நரேன், பாபி தியோல் மற்றும் பலர் நடித்து வருகின்றனர். மிகுந்த எதிர்பார்ப்புடன் உருவாகி வரும் இந்த படத்தின் படப்பிடிப்புகள் ஏற்கனவே தொடங்கப்பட்டு விறுவிறுப்பாக நடைபெற்று வருகிறது.
அதே சமயம் ஆரம்பத்தில் 2025 அக்டோபர் மாதத்தில் திரைக்கு வரும் என சொல்லப்பட்ட இந்த படமானது அடுத்த ஆண்டு பொங்கலுக்கு தள்ளிப்போகும் எனவும் தகவல் வெளியாகி வருகின்றன. இதற்கிடையில் இந்த படம் தொடர்பாக வெளிவரும் ஒவ்வொரு அப்டேட்டுகளையும் ரசிகர்கள் வெகு விமர்சையாக கொண்டாடி வருகின்றனர். அந்த வகையில் இந்த படத்தில் ரசிகர்களுக்கு சர்ப்ரைஸ் தரும் விதமாக பாடல் ஒன்று இடம்பெற இருப்பதாக தகவல் வெளியாகியுள்ளது.
அதாவது ஜனநாயகன் படத்தில், நடிகர் விஜய் சினிமாவில் இருந்து வழியனுப்பும் விதமாக பாடல் ஒன்று படமாக்கப்பட இருப்பதாகவும் அந்த பாடலில் விஜய் படங்களை இயக்கிய ட்ரெண்டிங் இயக்குனர்களான அட்லீ, நெல்சன், லோகேஷ் ஆகியோர் தோன்றுவார்கள் எனவும் நம்பத் தகுந்த வட்டாரங்கள் தெரிவிக்கிறது. இந்த தகவல் இந்த பாடலின் மீதான எதிர்பார்ப்பை மேன்மேலும் அதிகமாகியுள்ளது. இருப்பினும் இந்த பாடல் எப்படி இருக்கும் என்பதை பொறுத்திருந்துதான் பார்க்க வேண்டும்.