சிவகார்த்திகேயன் மாவீரன் படத்தின் மாபெரும் வெற்றிக்கு பிறகு தனது 21வது படத்தில் பிஸியாக நடித்து வருகிறார்.
இதற்கிடையில் கடந்த 2017 ஆம் ஆண்டில் சிவகார்த்திகேயன் நடிப்பில் அயலான் திரைப்படத்தின் படப்பிடிப்பு தொடங்கப்பட்டது. ஒரு சில காரணங்களால் இந்த படம் ரிலீஸ் ஆகாமல் நிலுவையில் இருக்கிறது. இந்த படத்தில் சிவகார்த்திகேயனுடன் இணைந்து ரகுல் பிரீத் சிங், யோகி பாபு, இஷா கோபிகர் கருணாகரன் மற்றும் பலர் நடித்துள்ளனர். 24 ஏ எம் ஸ்டுடியோஸ் நிறுவனமும் கே ஜே ஆர் ஸ்டுடியோஸ் நிறுவனமும் இணைந்து இந்த படத்தை தயாரித்துள்ளது. ஏ ஆர் ரகுமான் இதற்கு இசை அமைத்துள்ளார். இந்த படம் சயின்ஸ் பிக்சன் கதை களத்தில் ஒரு ஏலியனை மையமாக வைத்து உருவாக்கப்பட்டுள்ளது.
மேலும் அயலான் திரைப்படம் வருகின்ற தீபாவளிக்கு வெளியாகும் என்று ஏற்கனவே அறிவிக்கப்பட்டிருந்தது. ஆனால் தற்போது கம்ப்யூட்டர் கிராபிக்ஸ் பணிகளில் தாமதம் ஏற்படுவதால் இப்படத்தை அடுத்த ஆண்டு பொங்கல் தினத்தை முன்னிட்டு வெளியிட படக்குழுவினர் திட்டமிட்டுள்ளதாக சமீபத்தில் செய்திகள் வெளியாகி இருந்தது. அதன்படி தற்போது இப்படம் 2024 பொங்கல் தினத்தில் உலகம் முழுவதும் வெளியாக இருப்பதாக அதிகாரப்பூர்வ அறிவிப்பை படக்குழுவினரும் போஸ்டர் ஒன்றை வெளியிட்டு அறிவித்துள்ளனர்.