ராயன் படத்தில் அபர்ணா பாலமுரளி… முதல் தோற்றம் வெளியீடு…

தனுஷ் நடித்து இயக்கி உள்ள ராயன் படத்திலிருந்து அபர்ணா பாலமுரளியின் முதல் தோற்றம் வெளியாகி உள்ளது.

நடிப்பு, இயக்கம், பாடல் ஆசிரியர், பாடகர் என பன்முகத் தன்மை கொண்ட நட்சத்திரம் தனுஷ். தொடக்கத்தில் தோல்வி மற்றும் விமர்சனங்களை மட்டுமே சந்தித்து வந்த தனுஷ், இன்று சினிமா எனும் கோட்டையில் வெற்றி நாயகனாக உருவெடுத்துள்ளார். கோலிவுட்டில் முன்னணி நடிகர் என்ற அந்தஸ்தை பெற்ற தனுஷ், தன் கவனத்தை இயக்கம் பக்கம் திருப்பினார். அதன்படி கடந்த 2017-ம் ஆண்டு பா பாண்டி என்ற திரைப்படத்தை இயக்கினார். இப்படம் ரசிகர்கள் மத்தியில் நல்ல வரவேற்பை பெற்றது.

அடுத்தடுத்து தமிழ், தெலுங்கு, இந்தி மொழிப் படங்களில் கமிட்டாகி நடித்து வரும் தனுஷ், தற்போது இயக்கத்தில் அதிக கவனமும், நேரமும் செலவழித்து வருகிறார். அதன்படி, தனுஷ் இயக்கி நடித்திருக்கும் திரைப்படம் தான் ராயன். இது தனுஷின் 50-வது படமாகும். இதில் தனுஷுடன் இணைந்து சந்தீப் கிஷன், காளிதாஸ் ஜெயராம், துஷாரா விஜயன், எஸ்.ஜே.சூர்யா, செல்வராகவன் ஆகியோர் முக்கிய கதாபாத்திரங்களில் நடிக்கின்றனர்.

இந்நிலையில், படத்தின் அறிவிப்பு கடந்த சில நாட்களுக்கு முன்பாக வெளியானது. படத்திற்கு ராயன் என்று தலைப்பு வைத்து முதல் தோற்றத்தையும் படக்குழு பகிர்ந்தது. அதைத் தொடர்ந்து, படத்தின் ஒவ்வொரு கதாபாத்திரத்தையும் படக்குழு அறிமுகப்படுத்தி வருகிறது. தற்போது படத்தில் முக்கிய கதாபாத்திரத்தில் நடிக்கும் பிரபல மலையாள நடிகை அபர்ணா பாலமுரளியின் முதல் தோற்றத்தை படக்குழு பகிர்ந்துள்ளது.