சென்னை சிட்டி கேங்ஸ்டர்ஸ் படத்தின் டிரைலர் குறித்த அறிவிப்பு வெளியாகியுள்ளது.
நடிகர் வைபவ், சரோஜா, கோவா உள்ளிட்ட படங்களின் மூலம் ரசிகர்கள் மத்தியில் பிரபலமானவர். அதேசமயம் இவர் ஹீரோவாகவும் பல படங்களில் நடித்திருக்கிறார். இவர் கடைசியாக விஜய் நடிப்பில் வெளியான கோட் திரைப்படத்தில் நடித்திருந்தார். அதற்கு முன்னதாக ரணம் என்ற திரைப்படத்தில் ஹீரோவாக நடித்திருந்தார் வைபவ். அடுத்தது இவரது நடிப்பில் உருவாகி இருக்கும் திரைப்படம் தான் சென்னை சிட்டி கேங்ஸ்டர்ஸ். இந்த படத்தினை பி டி ஜி யுனிவர்சல் நிறுவனம் தயாரிக்க டி இமான் இந்த படத்திற்கு இசையமைத்திருக்கிறார். டிஜோ டாமி இதன் ஒளிப்பதிவு பணிகளை கவனித்துள்ளார். இந்த படத்தில் வைபவ் தவிர ஆனந்தராஜ், அதுல்யா ரவி, ஜான் விஜய், மொட்ட ராஜேந்திரன், ரெடின் கிங்ஸ்லி உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். 
காமெடி கலந்த கதை களத்தில் உருவாகியுள்ள இந்த படத்தினை விக்ரம் ராஜசேகர் மற்றும் அருண் கேசவ் இயக்கியுள்ளனர். இந்த படத்தின் படப்பிடிப்புகள் முழுவதும் நிறைவடைந்து படமானது ரிலீஸுக்கு தயாராகி வருகிறது. ஏற்கனவே இந்த படத்தின் டீசரும் அதைத்தொடர்ந்து அடுத்தடுத்த பாடல்களும் வெளியாகி வருகிறது. இந்நிலையில் இந்த படத்தின் டிரைலர் இன்று (அக்டோபர் 7) மாலை 6 மணி அளவில் வெளியாகும் என படக்குழு அதிகாரப்பூர்வமாக அறிவித்துள்ளது.