தமிழ் சினிமாவின் சூப்பர் ஸ்டார் ரஜினிகாந்துக்கு முதல்வர் ஸ்டாலின் பிறந்தநாள் வாழ்த்து தெரிவித்துள்ளார்.
நடிகர் ரஜினிகாந்த் கடந்த 1975 ஆம் ஆண்டு கே.பாலச்சந்தர் இயக்கிய அபூர்வ ராகங்கள் திரைப்படத்தின் மூலம் சினிமாவில் அறிமுகமானார். கிட்டத்தட்ட 45 வருடங்களுக்கும் மேலாக திரைத்துறையில் பணியாற்றி வரும் ரஜினி அன்று முதல் இன்று வரை உச்ச நட்சத்திரமாக வலம் வருகிறார். அந்த வகையில் ரசிகர்கள் சூப்பர் ஸ்டார் எனும் பட்டத்தை ரஜினிகாந்த்திற்கு கொடுத்தனர். அந்த அளவில் மக்களின் மனதில் நீங்கா இடம் பிடித்துள்ளார் ரஜினி. ஆரம்பத்தில் கண்டக்டராக பேருந்தில் விசில் அடித்துக் கொண்டிருந்த சிவாஜி ராவ் கெய்க்வாட் என்ற ரஜினிக்கு எதிர்காலத்தில் அவருக்காக பல கோடி ரசிகர்கள் விசில் அடிப்பார்கள் என்பது யாரும் எதிர்பார்க்காத ஒன்று. உலகிற்கு ஒரே சூரியன், ஒரே சந்திரனைப் போல் தமிழ் சினிமாவிற்கு ஒரே சூப்பர் ஸ்டார் என்ற பட்டத்தைப் பெற்றாலும் எந்த ஒரு கர்வமும் இல்லாமல் மிக எளிமையாக வாழ்ந்து வருபவர் ரஜினிகாந்த்.
இத்தகைய பெருமைக்குரிய ரஜினி இன்று தனது 73 வது பிறந்தநாளை சிறப்பாக கொண்டாடி வருகிறார். இவரின் பிறந்த நாளை ரசிகர்கள் பலரும் தமிழகம் முழுவதும் வெகு விமர்சையாக கொண்டாடி தீர்த்து வருகின்றனர். திரை உலக பிரபலங்களும், ரசிகர்களும் தங்களின் வாழ்த்துக்களை ரஜினிகாந்துக்கு தெரிவித்து வருகின்றனர். அந்த வகையில் தற்போது முதல்வர் ஸ்டாலின் தனது சமூக வலைதள பக்கத்தில் ரஜினிக்கு வாழ்த்து தெரிவித்து பதிவு ஒன்றை வெளியிட்டுள்ளார்.
அன்பிற்கினிய நண்பர் ‘சூப்பர்ஸ்டார்’ @rajinikanth அவர்களுக்குப் பிறந்தநாள் வாழ்த்துகள்!
மகிழ்ச்சியோடும் மனநிறைவோடும் பல வெற்றிப்படங்களைத் தந்து உச்சநட்சத்திரமாக மக்களை மகிழ்விக்க விழைகிறேன்.#HBDSuperstarRajinikanth
— M.K.Stalin (@mkstalin) December 12, 2023
அந்த பதிவில், ” அன்பிற்கினிய நண்பர் சூப்பர் ஸ்டாருக்கு பிறந்தநாள் வாழ்த்துக்கள். மகிழ்ச்சியோடும் மன நிறைவோடும் பல வெற்றி படங்களை கொடுத்து உச்ச நட்சத்திரமாக மக்களை மகிழ்விக்க விழைகிறேன்” என்று பதிவிட்டுள்ளார்.