கூலி படப்பிடிப்பு தள புகைப்படங்கள் இணையத்தில் வைரலாகி வருகிறது.
ரஜினியின் 171 வது படமாக கூலி எனும் திரைப்படம் உருவாகி வருகிறது. இந்த படத்தை சன் பிக்சர்ஸ் நிறுவனத்தின் சார்பில் கலாநிதி மாறன் தயாரிக்கிறார். இதனை தமிழ் சினிமாவின் ட்ரெண்டிங் இயக்குனர் லோகேஷ் கனகராஜ் இயக்குகிறார். இப்படமானது அனிருத்தின் இசையிலும் கிரிஷ் கங்காதரனின் ஒளிப்பதிவிலும் உருவாகி வருகிறது. மிகுந்த எதிர்பார்ப்புகளுடன் உருவாகும் இந்த படத்தின் படப்பிடிப்பு ஏற்கனவே தொடங்கப்பட்டு ஐதராபாத், விசாகப்பட்டினம், சென்னை போன்ற பகுதிகளில் விறுவிறுப்பாக நடைபெற்று வருகின்றன. அதன்படி இந்த மாதம் இறுதிக்குள் இதன் ஒட்டுமொத்த படப்பிடிப்பு முடிவடைந்து விடும் என சொல்லப்படுகிறது.
மேலும் 2025 ஆகஸ்ட் மாதம் இந்த படம் திரைக்கு வரும் எனவும் தகவல் வெளியாகி வருகிறது. அதேசமயம் இந்த படத்தின் டீசர் ஏப்ரல் 14 தமிழ் புத்தாண்டு தினத்தை முன்னிட்டு வெளியாகலாம் எனவும் எதிர்பார்க்கப்படுகிறது. இந்நிலையில் நேற்று (மார்ச் 14) லோகேஷ் கனகராஜின் பிறந்த நாளை முன்னிட்டு கூலி படப்பிடிப்பு தளத்தில் எடுக்கப்பட்ட புகைப்படங்களை சன் பிக்சர்ஸ் நிறுவனம் வெளியிட்டுள்ளது. இது இணையத்தில் வைரலாகி வருகிறது.
— Sun Pictures (@sunpictures) March 14, 2025
கூலி திரைப்படத்தில் ரஜினியுடன் இணைந்து நாகார்ஜுனா, உபேந்திரா, சத்யராஜ், சௌபின் சாகிர், ஸ்ருதிஹாசன் ஆகியோர் முக்கிய கதாபாத்திரங்களில் நடிக்கின்றனர். இவர்களுடன் இணைந்து நடிகை பூஜா ஹெக்டே ஸ்பெஷல் பாடல் ஒன்றுக்கு நடனமாடியுள்ளார் என்பது குறிப்பிடத்தக்கது.