ஐதராபாத் பறந்த கூலி படக்குழு… படப்பிடிப்பு பணிகள் தீவிரம்…

 ஜெயிலர் திரைப்படத்தின் வெற்றிக்கு பிறகு ரஜினிகாந்த் நடிக்கும் 170-வது திரைப்படம் வேட்டையன் ஆகும். இத்திரைப்படத்தை ஜெய்பீம் படத்தை இயக்கி புகழ்பெற்ற ஞானவேல் இயக்குகிறார். லைகா நிறுவனம் இத்திரைப்படத்தை தயாரிக்கிறது. அனிருத் படத்திற்கு இசை அமைக்கிறார். வேட்டையன் படத்தில் ரஜினியுடன் அமிதாப் பச்சன், ராணா டகுபதி, ஃபகத் ஃபாசில், துஷாரா விஜயன், மஞ்சு வாரியார், ரித்திகா சிங், உள்பட பலர் முக்கிய கதாபாத்திரங்களில் நடிக்கின்றனர்.

இதையடுத்து, வேட்டையன் படத்தின் இறுதிக்கட்ட படப்பிடிப்பு புதுச்சேரியில் விறுவிறுப்பாக நடைபெற்று வந்த நிலையில், கடந்த மாதம் ரஜினி இடம்பெறும் காட்சிகளுக்கான படப்பிடிப்பு நிறைவு பெற்றது. இதைத் தொடர்ந்து ஓய்வெடுக்க அபுதாபி மற்றும் ஆன்மிக பயணம் சென்ற ரஜினிகாந்த் அடுத்து கூலி படப்பிடிப்பில் பங்கேற்கிறார்.

சன் பிக்சர்ஸ் நிறுவனம் தயாரிக்கும் இப்படத்தை லோகேஷ் கனகராஜ் இயக்குகிறார். இது ரஜினிகாந்த் நடிக்கும் 171-வது படமாகும். இப்படத்தின் படப்பிடிப்பு ஜூன் மாதமே தொடங்கும் என கூறப்பட்ட நிலையில் எதிர்பாராத காரணங்களால் தள்ளிப்போனது. அண்மையில் ரஜினியின் டெஸ்ட் சூட் புகைப்படங்களும் இணையத்தில் வெளியானது. இந்நிலையில், கூலி படப்பிடிப்புக்காக , படக்குழுவினர் சென்னை விமான நிலையத்தில் புறப்பட்டு ஐதராபாத் சென்றடைந்தனர். இது தொடர்பான புகைப்படங்கள் இணையத்தில் வெளியாகி உள்ளன.