வெங்கி அட்லூரி இயக்கத்தில் தனுஷ் நடிக்கும் புதிய படத்தின் தலைப்பு குறித்த தகவல் வெளியாகியுள்ளது.
நடிகர் தனுஷ் தமிழ் சினிமாவில் தவிர்க்க முடியாத நடிகராக வலம் வரும் நிலையில் தற்போது இயக்குனராகவும் தயாரிப்பாளராகவும் வலம் வருகிறார். அந்த வகையில் இவர் கடைசியாக ராயன் எனும் திரைப்படத்தை இயக்கி நடித்திருந்தார். அதைத்தொடர்ந்து இட்லி கடை எனும் திரைப்படத்தை தானே இயக்கி நடித்து இருக்கிறார். இந்த படம் 2025 ஏப்ரல் 10 அன்று திரைக்கு வரும் முழு வீச்சில் தயாராகி வருகிறது. இதற்கிடையில் இவர் தேரே இஷ்க் மெய்ன், இளையராஜாவின் பயோபிக் ஆகிய படங்களை கைவசம் வைத்துள்ளார். மேலும் மாரி செல்வராஜ் இயக்கத்தில் புதிய படம் ஒன்றிலும் ராஜ்குமார் பெரியசாமி இயக்கத்தில் புதிய படம் ஒன்றிலும் நடிப்பதற்கு ஒப்பந்தமாகியுள்ளார். இந்நிலையில் தான் சமீபத்தில் நடிகர் தனுஷ் மீண்டும் வாத்தி பட இயக்குனருடன் கைகோர்க்க இருப்பதாக தகவல் வெளியானது. வாத்தி படத்தின் இயக்குனர் வெங்கி அட்லூரி கடந்தாண்டு வெளியான லக்கி பாஸ்கர் எனும் திரைப்படத்தை இயக்கிய வெற்றி கண்டார். எனவே தனுஷ்- வெங்கி அட்லூரி கூட்டணியில் உருவாகும் புதிய படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. 
இந்நிலையில் இந்த படம் தொடர்பான லேட்டஸ்ட் அப்டேட் வெளியாகியுள்ளது. அதன்படி வெங்கி அட்லூரி இயக்கத்தில் தனுஷ் நடிக்கும் புதிய படத்திற்கு ஹானஸ்ட் ராஜ் என்ற தலைப்பு வைக்கப்பட்டிருப்பதாக தகவல் கசிந்துள்ளது. இனிவரும் நாட்களில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.
ஏற்கனவே விஜயகாந்த் நடிப்பில் ஹானஸ்ட் ராஜ் எனும் திரைப்படம் வெளியானது குறிப்பிடத்தக்கது.