தமிழ் சினிமாவின் தவிர்க்க முடியாத நடிகராக வலம் வருபவர் நடிகர் தனுஷ். இவர் தற்போது பல படங்களில் நடிப்பதற்கு கமிட்டாகி தொடர்ந்து பிஸியாக நடித்து வருகிறார். அதேசமயம் இவர் ஒரு சிறந்த நடிகர் மட்டுமல்லாமல் இயக்குனர் என்பதையும் நிரூபித்து வருகிறார். அந்த வகையில் கடந்த 2017ல் ப. பாண்டி திரைப்படத்தை இயக்கி பெயர் பெற்றார். அதன் பிறகு சிறிய இடைவெளிக்குப் பிறகு தனது ஐம்பதாவது திரைப்படத்தை தானே இயக்கி நடித்துள்ளார். இந்த படத்தின் படப்பிடிப்புகள் விறுவிறுப்பாக நடைபெற்று முடிந்த நிலையில் தற்போது புதிய படம் ஒன்றையும் இயக்கி வருகிறார் தனுஷ். அதன்படி தனது அக்கா மகன் நடிப்பில் புதிய படம் ஒன்றை இயக்குகிறார் இப்படத்தின் படப்பிடிப்புகள் சமீபத்தில் தொடங்கப்பட்ட விறுவிறுப்பாக நடைபெற்று வருகின்றன.
#DD3 is Nilavukku enmel ennadi kobam .. A usual love story♥️ #neek .. Motion poster with @gvprakash magic https://t.co/V4kT0oFReB @wunderbarfilms pic.twitter.com/6gvJGvaXEb
— Dhanush (@dhanushkraja) December 24, 2023
இந்நிலையில் தனுஷ் இந்த படத்தின் மோஷன் போஸ்டரை டைட்டிலுடன் தனது சமூக வலைதள பக்கத்தில் வெளியிட்டுள்ளார். அதன்படி தனுஷ் இயக்கும் புதிய படத்திற்கு நிலவுக்கு என் மேல் என்னடி கோபம் என்று தலைப்பிடப்பட்டுள்ளது. இந்த படத்தில் பவிஷ், அனிகா சுரேந்திரன், பிரியா பிரகாஷ் வாரியர், மேத்யூ தாமஸ், வெங்கடேஷ் மேனன், ரம்யா ரங்கநாதன் உள்ளிட்டோர் முக்கிய கதாபாத்திரங்களில் நடிக்கின்றனர். இந்த படத்தை வுண்டர் பார் ஃபிலிம்ஸ் நிறுவனம் தயாரிக்கிறது. ஜிவி பிரகாஷ் இதற்கு இசை அமைக்கிறார். லியோன் பிரிட்டோ ஒளிப்பதிவு செய்கிறார். டைட்டிலுடன் வெளியான இந்த மோஷன் போஸ்டர் வீடியோ தற்போது சமூக வலைதளங்களில் வைரலாகி வருகிறது.