கடந்த 2017 ஆம் ஆண்டு தனுஷ் இயக்கத்தில் பவர் பாண்டி எனும் திரைப்படம் வெளியானது. இந்த படம் ரசிகர்கள் மத்தியில் மிகப்பெரிய வரவேற்பை பெற்று வெற்றி படமாக அமைந்தது.
அதைத் தொடர்ந்து ராயன் எனும் திரைப்படத்தை தானே இயக்கி நடித்திருந்தார் தனுஷ். இந்த படமும் மெகா பிளாக்பஸ்டர் ஹிட் அடித்தது. அடுத்தது தனுஷ் இயக்கத்தில் தற்போது இட்லி கடை எனும் திரைப்படம் உருவாகி வருகிறது. இதற்கிடையில் தனுஷ் நிலவுக்கு என் மேல் என்னடி கோபம் எனும் திரைப்படத்தை இயக்கியிருக்கிறார். ரொமான்டிக் காதல் கதைக்களத்தில் உருவாகி வரும் இந்த படத்தினை உண்டர்பார் ப்ரொடக்ஷன்ஸ் நிறுவனம் தயாரிக்க ஜிவி பிரகாஷ் இதற்கு இசை அமைத்திருக்கிறார். 
லியோன் பிரிட்டோ இதன் ஒளிப்பதிவு பணிகளை கவனித்திருக்கிறார். இந்த படத்தில் பவிஷ் கதாநாயகனாக நடிக்க அனிகா சுரேந்திரன் கதாநாயகியாக நடித்திருக்கிறார். மேலும் இவர்களுடன் இணைந்து மேத்யூ தாமஸ், பிரியா வாரியர், ரம்யா ரங்கநாதன் உள்ளிட்ட பலரும் நடித்திருக்கின்றனர். ஏற்கனவே இந்த படத்தின் படப்பிடிப்புகள் முழுவதும் நிறைவடைந்த நிலையில் கடந்த சில தினங்களுக்கு முன்னர் இந்த படத்தில் இருந்து GOLDEN SPARROW எனும் பாடல் வெளியாகி இணையத்தை கலக்கி வருகிறது. அதை தொடர்ந்து இரண்டாவது பாடலும் விரைவில் வெளியாக இருக்கின்றன. 
அடுத்தது இந்த படம் அடுத்த ஆண்டு பிப்ரவரி மாதத்தில் திரைக்கு கொண்டு வரப்படும் என்று செய்திகள் வெளியான நிலையில் தற்போது இந்த படமானது வருகின்ற டிசம்பர் மாதம் கிறிஸ்மஸ் தினத்தை முன்னிட்டு வெளியாகும் என்று புதிய தகவல்கள் தெரிவிக்கின்றன. இருப்பினும் இது தொடர்பான அதிகாரப்பூர்வ அறிவிப்பு படக்குழுவினர் சார்பில் இனிவரும் நாட்களில் வெளியாகும் என்று நம்பப்படுகிறது.