தோனியை கட்டியணைத்து முத்தமிட்ட சுந்தர் சியின் தாயார்… நெகிழ்ந்து போன குஷ்பூ!

கிரிக்கெட் வீரர் எம்எஸ் தோனி இயக்குனர் சுந்தர் சி-யின் தாயாரைச் சந்தித்துள்ள புகைப்படங்கள் இணையத்தில் வைரலாகி வருகின்றன.

கிரிக்கெட் விளையாட்டு வீரர் எம்எஸ் தோனி உலகம் முழுவதும் பல கோடி ரசிகர்களை சம்பாதித்துள்ளார். குறிப்பாக தமிழ்நாட்டு கிரிக்கெட் ரசிகர்களில் பெரும்பாலோனோர் தோனியின் ரசிகர்கள் தான்.

சென்னை சூப்பர் கிங்ஸ் அணியின் கேப்டனாக இருந்து தமிழ் ரசிகர் மனதில் நீங்கா இடம் பிடித்து வைத்திருக்கிறார் மாஹி. தோனி இல்லாத CSK டீமை நினைத்துக்கூட பார்க்க முடியாது என்று ரசிகர்கள் தெரிவித்து வருகின்றனர்.

இந்நிலையில் இயக்குனர் சுந்தர் சி-யின் தாயார் தெய்வானை அம்மாளை தோனி  சந்தித்துள்ளார். மேலும் சுந்தர் சி-யின் தாயார் தோனிக்கு கன்னத்தில் முத்தமிட்டு அவரது அன்பை வெளிப்படுத்தியுள்ளார்.

இது குறித்து பதிவிட்ட குஷ்பூ “ஹீரோக்கள் உருவாக்கப்படுவதில்லை. ஹீரோக்களாகவே பிறக்கிறார்கள். தோனி அதை நிரூபித்துள்ளார். அவரின் எளிய குணத்தையும் வரவேற்பையும் விவரிக்க என்னிடம் வார்த்தைகள் இல்லை.

Heroes are not made, they are born. Dhoni proves that. I am at loss for words for our CSK #Thala @msdhoni at his warmth & hospitality. He met my ma in law, who at 88, hero worships Dhoni & cannot see beyond him. Mahi, you have added many years of good health & happiness to her… pic.twitter.com/darszdzb62

— KhushbuSundar (@khushsundar) April 14, 2023

அவர் எனது 88 வயது நிரம்பிய மாமியாரை சந்தித்து அன்பை வெளிப்படுத்தினார். நீங்கள் எனது மாமியாரின் வாழ்க்கையில் பல சந்தோஷத்தையும் இன்னும் சில வருடங்கள் அதிகம் வாழ உடல்நலத்தையும் ஒருசேர வழங்கிவிட்டீர்கள் மாஹி.

இதற்காக உங்களுக்கு எனது பாராட்டுக்கள். இதை சாத்தியப்படுத்திய சென்னை ஐபிஎல் டீமுக்கு எனது நன்றிகள். CSK-க்கு விசில் போடு” என்று தெரிவித்துள்ளார்.

அந்த புகைப்படங்கள் இணையத்தில் வைரலாகி வருகின்றன.