வேட்டையன் படக்குழு துஷாரா விஜயனின் கதாபாத்திர அறிமுக போஸ்டரை வெளியிட்டுள்ளது.
நடிகை துஷாரா விஜயன் கடந்த 2019 ஆம் ஆண்டு போதை ஏறி புத்தி மாறி என்ற திரைப்படத்தின் மூலம் தமிழ் சினிமாவில் அறிமுகமானார். அதைத் தொடர்ந்து சார்பட்டா பரம்பரை, நட்சத்திரம் நகர்கிறது, அநீதி, கழுவேத்தி மூர்க்கன் போன்ற படங்களில் முக்கிய கதாபாத்திரங்களில் நடித்திருக்கிறார். கடைசியாக இவர் தனுஷ் நடிப்பில் வெளியான ராயன் திரைப்படத்தில் தனுஷுக்கு தங்கையாக நடித்து பெயர் பெற்றுள்ளார். இந்த படத்தில் இவருடைய கதாபாத்திரம் மிகப்பெரிய அளவில் பேசப்பட்டது. அடுத்ததாக இவர் ரஜினி நடிப்பில் உருவாகி இருக்கும் வேட்டையன் திரைப்படத்தில் முக்கிய கதாபாத்திரத்தில் நடித்துள்ளார். இந்த படத்தினை டிஜே ஞானவேல் இயக்க லைக்கா நிறுவனம் படத்தினை தயாரித்துள்ளது. அனிருத் இதற்கு இசையமைத்திருக்கிறார். படத்தில் ரஜினி, துஷாரா விஜயன் தவிர மஞ்சு வாரியர், பகத் பாசில், அமிதாப் பச்சன், ரித்திகா சிங், ராணா டகுபதி உள்ளிட்ட பலரும் நடித்துள்ளனர். இந்த படம் வருகின்ற அக்டோபர் 10ஆம் தேதி திரைக்கு வர இருக்கிறது. மேலும் வருகின்ற செப்டம்பர் 20ஆம் தேதி இப்படத்தின் இசை வெளியீட்டு விழா சென்னையில் பிரமாண்டமாக நடைபெற இருப்பதாக அறிவிக்கப்பட்டுள்ளது. இதற்கிடையில் இப்படத்தில் இருந்து மனசிலாயோ எனும் பாடல் வெளியாகிய இணையத்தில் வைரலாகி வருகின்றன.
Brave & Bold! 🔥 Introducing @officialdushara as Saranya in VETTAIYAN 🕶️ Prepare to witness her grit. 💥 #Vettaiyan 🕶️ Releasing on 10th October in Tamil, Telugu, Hindi & Kannada!@rajinikanth @SrBachchan @tjgnan @anirudhofficial @LycaProductions #Subaskaran @gkmtamilkumaran… pic.twitter.com/KV6ADT5Mwt
— Lyca Productions (@LycaProductions) September 16, 2024
இந்நிலையில் வேட்டையன் படத்தின் கதாபாத்திர அறிமுக போஸ்டர்களை படக்குழு வெளியிட்டு வருகிறது. அந்த வகையில் ஏற்கனவே ரித்திகா சிங், ரூபா என்ற கதாபாத்திரத்தில் நடித்துள்ளதாக பட குழு அறிவித்தது. அதைத்தொடர்ந்து தற்போது துஷாரா விஜயன் சரண்யா என்ற கதாபாத்திரத்தில் நடித்திருக்கிறார் என்று வீடியோ ஒன்றின் மூலம் பட குழு அறிவித்துள்ளது. இதன் மூலம் ராயன் திரைப்படத்தில் துஷாராவிற்கு எப்படி வலுவான கதாபாத்திரம் அமைந்ததோ அதேபோல் வேட்டையன் திரைப்படத்திலும் இவருடைய கதாபாத்திரம் ஸ்ட்ராங்கானதாக இருக்கும் என்று எதிர்பார்க்கப்படுகிறது.