‘நிலவுக்கு என் மேல் என்னடி கோபம்’ படத்தின் முதல் பாடலை எழுதியது யார் தெரியுமா?

நிலவுக்கு என் மேல் என்னடி கோபம் படத்தினை நடிகர் தனுஷ் இயக்கியுள்ளார். பவர் பாண்டி, ராயன் உள்ளிட்ட படங்களுக்குப் பிறகு தனுஷ் இயக்கியுள்ள மூன்றாவது படம் தான் நிலவுக்கு என் மேல் என்னடி கோபம். இந்த படத்தில் பவிஷ், அனிகா சுரேந்திரன், மேத்யூ தாமஸ், பிரியா வாரியர் உள்ளிட்ட பலர் முக்கிய கதாபாத்திரங்களில் நடித்திருக்கின்றனர்.  இதனை உண்டர்பார் ப்ரோடக்ஷன்ஸ் நிறுவனத்தின் சார்பில் கஸ்தூரிராஜா மற்றும் விஜயலட்சுமி கஸ்தூரிராஜா ஆகியோரின் இணைந்து தயாரித்திருக்கின்றனர். ஜிவி பிரகாஷ் இதற்கு இசை அமைத்துள்ளார். ரொமான்டிக் காதல் கதைக்களத்தில் உருவாகி வரும் இந்த படத்தின் படப்பிடிப்புகள் ஏற்கனவே நிறைவடைந்து தற்போது பின்னணி வேலைகள் நடைபெற்று வருகின்றன. படமானது 2025 பிப்ரவரி மாதத்தில் வெளியாக இருப்பதாக சொல்லப்படுகிறது. இந்நிலையில் தான் சமீபத்தில் நிலவுக்கு என் மேல் என்னடி கோபம் படத்தின் GOLDEN SPARROW எனும் முதல் பாடல் வருகின்ற ஆகஸ்ட் 30 ஆம் தேதி வெளியாகும் என படக்குழுவினர் சார்பில் அதிகாரப்பூர்வமாக அறிவிக்கப்பட்டது. இந்த பாடலில் பிரியங்கா அருள் மோகன் கேமியோ ரோலில் நடித்திருக்கிறார். தற்போது இதன் கூடுதல் தகவல் என்னவென்றால் இந்தப் பாடல் வரிகளை நடிகர் தனுஷின் மூத்த மகன் யாத்ரா எழுதி இருப்பதாக புதிய அப்டேட் வெளிவந்துள்ளது. இந்த தகவல் அறிந்த ரசிகர்கள் GOLDEN SPARROW எனும் பாடல் வரிகள் எப்படி இருக்கும் என்பதை தெரிந்து கொள்ள மிகுந்த ஆவலுடன் காத்துக் கொண்டிருக்கின்றனர்.