நடிகர் துல்கர் சல்மான், தற்போது தொடர்ந்து பல படங்களில் பிஸியாக நடித்து வருகிறார். அந்த வகையில் ஏற்கனவே இவர் நடித்திருந்த சீதாராமம் திரைப்படம் மிகப்பெரிய வெற்றி கண்ட நிலையில் அதைத்தொடர்ந்து பல பான் இந்திய படங்களில் நடித்து வருகிறார் துல்கர் சல்மான்.
இந்நிலையில் தான் இவரது நடிப்பில் உருவாகி இருந்த லக்கி பாஸ்கர் எனும் திரைப்படம் கடந்த அக்டோபர் 31ஆம் தேதி தீபாவளி தினத்தன்று திரைக்கு கொண்டுவரப்பட்டது. கிரைம் திரில்லர் கதைக்களத்தில் உருவாகியிருந்த இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வெற்றி பெற்று வருகிறது. இந்த படத்தில் துல்கர் சல்மானுக்கு ஜோடியாக மீனாட்சி சௌத்ரி நடித்திருந்தார். மேலும் ராம்கி போன்றோரும் நடித்திருந்தனர். இந்த படத்திற்கு ஜிவி பிரகாஷ் இசையமைத்திருந்தார். தற்போது துல்கர் சல்மான், இந்த படத்தில் சுமதி என்ற கதாபாத்திரத்தில் நடித்திருந்த மீனாட்சி சௌத்ரி குறித்து பேசியுள்ளார். “சுமதி என்ற கேரக்டரில் எந்த இடம் நடிகையும் நடிப்பதற்கு ஓகே சொல்லி இருக்க மாட்டார்கள். ஆனால் அந்த கேரக்டரில் மீனாட்சி சௌத்ரி மிக அருமையாக நடித்து இருந்தார். சுமதியாக அவரைப் பார்த்த முதல் நாளே அந்த கேரக்டருக்கு அவர் தான் சரியாக இருப்பார் என்று எங்களுக்கு தெரிந்தது. 
ஆனால் இப்போது அந்த கேரக்டரில் வேறு யாரையும் கற்பனை கூட செய்து பார்க்க முடியவில்லை. அந்த கேரக்டர் நீண்ட நேரம் திரையில் வரக்கூடிய கதாபாத்திரம். அதை முழு மனதுடன் ஏற்றுக்கொண்டு நடித்தார்” என்று மீனாட்சி சௌத்ரியை பாராட்டியுள்ளார் துல்கர் சல்மான்.
மீனாட்சி சௌத்ரி, குண்டூர் காரம், சிங்கப்பூர் சலூன், கோட் போன்ற படங்களில் நடித்து ரசிகர்கள் மத்தியில் பிரபலமானவர் என்பது குறிப்பிடத்தக்கது.