எல்வின் நடிக்கும் புல்லட்… வெளியானது புதிய போஸ்டர்…
ராகவா லாரன்ஸின் தம்பி எல்வின் லாரன்ஸ் புல்லட் என்னும் திரைப்படத்தில் கதாநாயகனாக நடிக்கிறார். இதில் எல்வின் லாரன்ஸுக்கு ஜோடியாக தெலுங்கு நடிகை வைஷாலி ராஜ் நடிக்கிறார். மேலும் சிவா சாரா, ஆர் சுந்தர்ராஜன், கே பி ஒய் வினோத், சென்ட்ராயன், சாம்ஸ், தெலுங்கு நடிகர் சுனில் உள்ளிட்டோர் முக்கிய கதாபாத்திரங்களில் நடிக்கின்றனர். இவர்களுடன் இணைந்து ராகவா லாரன்ஸூம் படத்தில் சிறப்பு தோற்றத்தில் நடிக்கிறார்.
இந்தப் படத்தை கடந்த 2022 ஆம் ஆண்டு அருள்நிதி நடிப்பில் வெளியான டைரி திரைப்படத்தின் இயக்குனர் இன்னசி பாண்டியன் இயக்குகிறார். 5ஸ்டார் கிரியேஷன்ஸ் நிறுவனத்தின் சார்பில் கதிரேசன் தயாரிக்கிறார். சாம் சி எஸ் படத்திற்கு இசையமைக்கிறார். படத்தின் படப்பிடிப்புகள் சென்னை, ஹைதராபாத், தென்காசி உள்ளிட்ட பகுதிகளில் விறுவிறுப்பாக நடைபெற்று வருகிறது. மேலும் ஆக்சன் திரில்லர் கதைக்களத்தில் புல்லட் திரைப்படம் உருவாகி வருகிறது.
தமிழ், ஹிந்தி, தெலுங்கு உள்ளிட்ட மொழிகளில் ஒரே சமயத்தில் தயாராகி வருகிறது. இந்நிலையில் படத்தின் நாயகன் எல்வின் பிறந்தநாளை ஒட்டி புல்லட் திரைப்படத்தின் சிறப்பு போஸ்டரை படக்குழு பகிர்ந்துள்ளது. இது இணையத்தில் வைரலாகி வருகிறது.
