நடிகர் விஜய் தற்போது வெங்கட் பிரபு இயக்கத்தில் தனது 68வது திரைப்படத்தில் நடித்து வருகிறார். இந்த படத்திற்கு தி கிரேட்டஸ்ட் ஆஃப் ஆல் டைம் (கோட்) என்று தலைப்பு வைக்கப்பட்டுள்ளது.
இந்த படத்தில் விஜய், பிரசாந்த், பிரபுதேவா, சினேகா, லைலா உள்ளிட்டோர் நடிக்கின்றனர். இந்த படத்தில் மைக் மோகன் மெயின் வில்லனாக நடிக்கிறார் என்று சொல்லப்படுகிறது. அதேசமயம் இந்த படத்தில் நடிகர் விஜய் இரட்டை வேடங்களில் நடிப்பதாகவும் இப்படம் டைம் டிராவல் சம்பந்தமான கதைக்களத்தில் உருவாகி வருவதாகவும் செய்திகள் வெளியாகின்றன. ஏஜிஎஸ் நிறுவனம் தயாரித்து வரும் இந்த படத்தின் படப்பிடிப்புகள் சென்னை, திருவனந்தபுரம், ரஷ்யா போன்ற பகுதிகளில் விறுவிறுப்பாக நடைபெற்று வருகிறது. ஏற்கனவே இந்த படத்தின் பர்ஸ்ட் லுக் போஸ்டர் வெளியாகி நல்ல வரவேற்பை பெற்ற நிலையில் அடுத்ததாக முதல் பாடலை வருகின்ற ஏப்ரல் 14 தமிழ் புத்தாண்டு தினத்தை முன்னிட்டு வெளியிட படக்குழுவினர் திட்டமிட்டு வருகின்றனர். இதைத்தொடர்ந்து நடிகர் விஜய் தனது 69 வது திரைப்படத்தில் நடிக்க உள்ளார். தளபதி 69 என்று தற்காலிகமாக தலைப்பு வைக்கப்பட்டுள்ள இந்தப் படத்தை எச் வினோத் இயக்க இருப்பதாக சமீப காலமாக செய்திகள் பரவி வருகின்றன. இருப்பினும் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது. அதேசமயம் படம் தொடர்பான அடுத்தடுத்த அப்டேட்டுகளும் அவ்வப்போது வெளிவந்து கொண்டே இருக்கின்றன. 
அதன்படி இந்த படத்தில் விஜய்க்கு ஜோடியாக சமந்தா நடிக்க இருப்பதாக ஏற்கனவே தகவல் கசிந்திருந்தது. தற்போது இதன் புதிய அப்டேட் கிடைத்துள்ளது. அதாவது பாலிவுட் நடிகை ஆலியா பட் இந்த படத்தில் முக்கிய கதாபாத்திரத்தில் நடிக்க உள்ளதாகவும் இது சம்பந்தமான பேச்சு வார்த்தை நடைபெற்று வருவதாகவும் தற்போதைய தகவல்கள் தெரிவிக்கின்றன. மேலும் இந்த படம் அரசியல் சம்பந்தமான கதைக்களத்தில் உருவாக இருப்பதாக தகவல்கள் வெளியாகி வருவது குறிப்பிடத்தக்கது.
- Advertisement -