கேம் சேஞ்சர் திரைப்படம் இந்த வாரம் அமேசான் பிரைமில் வெளியாகும் என அறிவிக்கப்பட்டிருக்கிறது.
கடந்த ஜனவரி மாதம் 10 ஆம் தேதி ராம் சரண் நடிப்பில் தமிழ், தெலுங்கு, இந்தி ஆகிய மொழிகளில் உலகம் முழுவதும் வெளியான படம் தான் கேம் சேஞ்சர். இந்த படத்தை பிரம்மாண்ட இயக்குனர் சங்கர் இயக்க ஸ்ரீ வெங்கடேஸ்வரா க்ரியேஷன்ஸ் நிறுவனம் தயாரித்திருந்தது. தமன் இந்த படத்திற்கு இசையமைத்து இருந்தார். திரு இதன் ஒளிப்பதிவு பணிகளை கவனித்திருந்தார். இந்த படத்தில் ராம் சரணுக்கு ஜோடியாக கியாரா அத்வானி நடித்திருந்தார். மேலும் இவர்களுடன் இணைந்து எஸ் ஜே சூர்யா, ஸ்ரீகாந்த், சுனில், ஜெயராம், அஞ்சலி, சமுத்திரக்கனி மற்றும் பலர் நடித்திருந்தனர். இந்த படம் ஆக்ஷன் கலந்த அரசியல் கதைக்களத்தில் வெளியானது.
அதன்படி மிகுந்த எதிர்பார்ப்புகளுடன் வெளியான இந்த படம் ரசிகர்கள் மத்தியில் கலவையான விமர்சனங்களை பெற்று வசூலில் சரிவை சந்தித்தது. இந்நிலையில் இப்படம் வருகின்ற பிப்ரவரி 7 அன்று அமேசான் பிரைம் ஓடிடி தளத்தில் தமிழ், தெலுங்கு, இந்தி ஆகிய மொழிகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.