டாடா பட இயக்குநருடன் இணையும் ஜெயம்ரவி… வெளியானது புதிய அப்டேட்…

பொன்னியின் செல்வன் திரைப்படங்களின் வெற்றிக்கு பிறகு ஜெயம்ரவி அடுத்தடுத்து பல படங்களில் கமிட்டாகி நடித்து வருகிறார். அந்த வகையில், நயன்தாராவுடன் இணைந்து இறைவன் திரைப்படத்தில் நடித்தார். இத்திரைப்படம் கலவையான விமர்சனங்களை பெற்றது. இதைத் தொடர்ந்து சைரன் என்ற படத்தில் ஜெயம்ரவி நடித்திருந்தார். கீர்த்தி சுரேஷ், அனுபமா பரமேஸ்வரன், சமுத்திரக்கனி ஆகியோர் நடிப்பில்வெளியான இத்திரைப்படம் ரசிகர்கள் மத்தியில் நல்ல வரவேற்பை பெற்றது

 இதையடுத்து ஜெயம்ரவி நடிப்பில் உருவாகி வரும் புதிய திரைப்படம் ஜீனி. இப்படத்தை, மிஷ்கினின் உதவி இயக்குநர் அர்ஜூனன் இயக்கி வருகிறார். இது அவரது 32-வது திரைப்படம் ஆகும். வேல்ஸ் பிலிம்ஸ் இன்டர்நேசனல் நிறுவன் இந்த படத்தை தயாரிக்கிறது. இதுதவிர கிருத்திகா உதயநிதி இயக்கத்தில் காதலிக்க நேரமில்லை என்ற திரைப்படத்தில் அவர் நடித்திருக்கிறார். இப்படத்தின் படப்பிடிப்பு நிறைவு பெற்று பின்னணி வேலைகள் விறுவிறுப்பாக நடைபெற்று வருகின்றன.

இந்நிலையில், ஜெயம்ரவி நடிக்கும் புதிய திரைப்படம் குறித்த தகவல் வௌியாகி உள்ளது. அதன்படி, டாடா என்ற ஹிட்டை கொடுத்த இயக்குநர் கணேஷ் கே பாபு இயக்கத்தில் ஜெயம்ரவி நடிக்கவுள்ளதாக கூறப்படுகிறது. இப்படத்தை ஸ்கிரீன் சீன் நிறுவனம் தயாரிக்க உள்ளதாகவும் தகவல் வெளியாகி உள்ளது.