நிலவுக்கு என் மேல் என்னடி கோபம் படத்தின் இரண்டாவது பாடல் குறித்த அப்டேட் வெளியாகியுள்ளது.
நடிகர் தனுஷ் தமிழ் சினிமாவில் தவிர்க்க முடியாத நடிகராக வலம் வருகிறார். அந்த வகையில் தொடர்ந்து அடுத்தடுத்த படங்களில் பிசியாக நடித்துக் கொண்டிருக்கிறார் தனுஷ். கடைசியாக இவர்தான் நடிப்பில் ராயன் திரைப்படம் வெளியாகி பிளாக்பஸ்டர் ஹிட் அடித்தது. அதை தொடர்ந்து இட்லி கடை எனும் திரைப்படத்தை தானே இயக்கி நடித்து வருகிறார் தனுஷ். இதற்கிடையில் நிலவுக்கு என் மேல் என்னடி கோபம் திரைப்படத்தையும் இயக்கியுள்ளார். இந்த படத்தில் பவிஷ், அனிகா சுரேந்திரன், மேத்யூ தாமஸ், பிரியா வாரியர் உள்ளிட்ட பலர் முக்கிய கதாபாத்திரங்களில் நடித்திருக்கின்றனர். உண்டர்பார் ப்ரோடக்ஷன்ஸ் நிறுவனம் எந்த படத்தை தயாரிக்க ஜி.வி. பிரகாஷ் இதற்கு இசையமைத்திருக்கிறார். லியோன் பிரிட்டோ இதன் ஒளிப்பதிவு பணிகளை கவனித்துள்ளார்.
ரொமான்டிக் காதல் கதைக்களத்தில் உருவாகியுள்ள இந்த படத்தின் படப்பிடிப்புகள் ஏற்கனவே நிறைவடைந்த நிலையில் படமானது அடுத்த ஆண்டு பிப்ரவரி மாதத்தில் வெளியாகும் என்று சொல்லப்படுகிறது. இதற்கிடையே இந்த படத்தில் இருந்து எனும் பாடல் வெளியாகி இணையத்தில் செம டிரண்டாகி வருகிறது. இந்நிலையில் இந்த படத்தின் இரண்டாவது பாடலை அடுத்த வாரம் வெளியிட படக்குழுவினர் திட்டமிட்டு வருவதாக தற்போதைய தகவல்கள் தெரிவிக்கின்றன. எனவே விரைவில் இது தொடர்பான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.