த்ரிஷாவிற்கு ரூ.1 கோடி மதிப்புள்ள வைர நெக்லஸ் பரிசளித்த விஜய்?
தமிழ் திரையுலகிலும் சரி, தமிழ் ரசிகர்களுக்கும் சரி அன்று முதல் இன்று வரை கனவுக்கன்னியாக மனதில் நிலைத்திருப்பவர் த்ரிஷா. மாடலிங், டிவி தொகுப்பாளர், ரிச் கேர்ள் என வந்து லேசா லேசா படத்தில் நாயகியாக நடிக்க முதலில் வாய்ப்பு வந்தது. அந்த படம் வெளியாக தாமதமான கால கட்டத்தில் அமீர் இயக்கிய முதல் படமான மௌனம் பேசியதே திரைப்படம் முதலில் வெளியானது. இந்த இரு படங்களுமே த்ரிஷாக்கு நல்ல அடிவாரமாக அமைந்தது.
இதைத் தொடர்ந்து விக்ரமுக்கு ஜோடியாக சாமி படத்தில் நடித்த த்ரிஷா முன்னணி நடிகையாக குறுகிய காலத்திலேயே முன்னேறினார். பின் திரைவாழ்வில் அவருக்கு ஏறுமுகம் தான். கடந்த 21 ஆண்டுகளில் நடிகை த்ரிஷா, விஜய்யுடன் இணைந்து மட்டும் பல திரைப்படங்களில் நடித்திருக்கிறார். கில்லி, குருவி, திருப்பாச்சி, ஆதி ஆகிய படங்களில் விஜய் மற்றம் த்ரிஷா ஜோடியாக நடித்துள்ளனர். அண்மையில் வெளியான லியோ படத்திலும் விஜய்க்கு மனைவியாக த்ரிஷா நடித்திருப்பார்.
இந்நிலையில், நடிகை த்ரிஷாவுக்கு நடிகர் விஜய் கோடி ரூபாய் மதிப்புள்ள வைர நெக்லஸை பரிசாக அளித்ததாக தகவல் வெளியாகி இருக்கிறது. கடந்த சில நாட்களுக்கு முன்பாக த்ரிஷா வீட்டில் நடந்த வருமான வரித்துறை சோதனையில் வைர நெக்லஸ் சிக்கியதாகவும், அது விஜய் பரிசாக கொடுத்ததாக த்ரிஷா கூறியதாகவும் புதிய சர்ச்சை கிளம்பியுள்ளது.
