ஜிவி பிரகாஷ் இசையமைப்பாளராக பல படங்களில் பல ஹிட் பாடல்களை கொடுத்து வருகிறார். இது ஒரு பக்கம் இருக்க ஹீரோவாகவும் பல படங்களில் கமிட்டாகி நடித்து வருகிறார். அந்த வகையில் டார்லிங், பென்சில், ஜெயில், நாச்சியார் போன்ற பல படங்களில் நடித்துள்ளார். மேலும் கிங்ஸ்டன் இடிமுழக்கம், டியர், ரிபெல் போன்ற படங்களை கைவசம் வைத்துள்ளார். கடைசியாக ஜிவி பிரகாஷ் நடிப்பில் அடியே திரைப்படம் வெளியானது. சமீபத்தில் பிரபல பாலிவுட் இயக்குனர் அனுராக் காஷ்யப் இயக்கத்தில் புதிய படம் ஒன்றில் நடிக்க இருப்பதாக செய்திகள் வெளியாகி இருந்தது.
இந்நிலையில் கற்றது தமிழ், தங்க மீன்கள், பேரன்பு போன்ற வெற்றி படங்களை கொடுத்த ராம் இயக்கத்தில் நடிக்க இருக்கிறார். இயக்குனர் ராம், தனது ஒவ்வொரு படங்களிலும் தனித்துவமான கதைகளை கொடுப்பவர். அந்த வகையில் சமூகத்தில் சொல்லத் தயங்கும் கதையம்சங்களை தைரியமாக ரசிகர்களுக்கு விருந்தாக படைப்பார்.
இந்நிலையில் ஜிவி பிரகாஷ் நடிப்பில் இயக்குனர் ராம் இயக்க உள்ள படத்திற்கு ரசிகர்கள் மத்தியில் பெரும் எதிர்பார்ப்பு நிலவி வருகிறது. இந்த படத்திற்கு யுவன் சங்கர் ராஜா இசை அமைக்க உள்ளார் என்பது குறிப்பிடத்தக்கது. அதே சமயம் இந்த படம் முழுக்க முழுக்க காதல் கதைக்களத்தில் உருவாக இருப்பதாகவும் கூறப்படுகிறது. மேலும் இந்த படம் குறித்த மற்ற தகவல்கள் விரைவில் வெளியாகும் என்று எதிர்பார்க்கப்படுகிறது.