ஹெச். வினோத் இயக்கத்தில் உருவாகும் தளபதி 69 படத்தின் பர்ஸ்ட் லுக் குறித்த அறிவிப்பு வெளியாகியுள்ளது.
தமிழ் சினிமாவில் முக்கியமான இயக்குனர்களில் ஒருவராக வலம் வருபவர் ஹெச். வினோத். இவரது இயக்கத்தில் கடைசியாக துணிவு திரைப்படம் வெளியாகி மாபெரும் வெற்றி பெற்றது. அதைத்தொடர்ந்து இவர் கமல்ஹாசன் நடிப்பில் புதிய படம் ஒன்றை இயக்கப் போவதாக அறிவிப்பு வெளியானது. ஆனால் அந்த படம் அடுத்த கட்டத்திற்கு நகரவே இல்லை. இந்நிலையில் தான் ஹெச். வினோத், விஜய் நடிப்பில் புதிய படம் ஒன்றை இயக்கப் போவதாக அறிவிக்கப்பட்டது. அதன்படி விஜயின் 69 ஆவது படமான இந்த படத்திற்கு தற்காலிகமாக தளபதி 69 என்ற தலைப்பு வைக்கப்பட்டுள்ளது. இந்த படத்தை கே வி என் ப்ரொடக்ஷன்ஸ் நிறுவனம் தயாரிக்க அனிருத் இதற்கு இசையமைக்கிறார். இந்த படத்தில் விஜயுடன் இணைந்து பாபி தியோல், நரேன், பிரகாஷ்ராஜ், கௌதம் வாசுதேவ் மேனன், பூஜா ஹெக்டே, மமிதா பைஜு, பிரியாமணி மற்றும் பலர் நடித்து வருகின்றனர். இந்த படத்தின் படப்பிடிப்புகள் கடந்த சில மாதங்களுக்கு முன்னதாகவே தொடங்கப்பட்டு கிட்டத்தட்ட 70% படப்பிடிப்புகள் நிறைவடைந்ததாக சொல்லப்படுகிறது.
Update oda vandhurkom 🤗
69% completed ███░░#Thalapathy69FirstLookOnJan26 🔥#Thalapathy @actorvijay sir #HVinoth @thedeol @prakashraaj @menongautham #Priyamani @itsNarain @hegdepooja @_mamithabaiju @anirudhofficial @Jagadishbliss @LohithNK01 @sathyaDP @ActionAnlarasu… pic.twitter.com/FA2MbAjdAY— KVN Productions (@KvnProductions) January 24, 2025
அரசியல்வாதியாக உருவெடுத்திருக்கும் விஜயின் கடைசி படம் இது என்பதால் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதேசமயம் படம் தொடர்பாக வெளியாகும் ஒவ்வொரு அப்டேட்டுகளையும் ரசிகர்கள் வெகு விமர்சையாக கொண்டாடி வருகின்றனர். இந்நிலையில் இந்த படத்தின் ஃபர்ஸ்ட் லுக் போஸ்டர் வருகின்ற குடியரசு தினத்தை முன்னிட்டு ஜனவரி 26 அன்று வெளியாகும் என படக்குழு அதிகாரப்பூர்வமாக அறிவித்துள்ளது. இந்த தகவல் ரசிகர்களுக்கு இன்ப அதிர்ச்சியை தந்துள்ளது.
மேலும் தளபதி 69 படத்திற்கு நாளைய தீர்ப்பு என்று தலைப்பு வைக்கப்பட்டுள்ளதாகவும் இந்த படத்தின் ரிலீஸ் தேதி 2025 அக்டோபர் மாதத்தில் இருந்து 2026 பொங்கலுக்கு ஒத்திவைக்கப்பட இருப்பதாகவும் தகவல் வெளியாகி வருவது குறிப்பிடத்தக்கது.