நடிகர் ஹரிஷ் கல்யாண் தமிழ் சினிமாவில் வளர்ந்து வரும் இளம் நடிகர்களில் ஒருவராவார். இவரது நடிப்பில் வெளியான பியார் பிரேமா காதல், ஓ மணப்பெண்ணே, தாராள பிரபு போன்ற படங்கள் ரசிகர்களை வெகுவாக கவர்ந்தது.
அதிலும் கடந்த ஆண்டு இவரது நடிப்பில் வெளியான பார்க்கிங் திரைப்படம் மெகா பிளாக்பஸ்டர் ஹிட் அடித்தது. சமீபத்தில் ஹரிஷ் கல்யாண், அட்டகத்தி தினேஷ் உடன் இணைந்து நடித்திருந்தால் லப்பர் பந்து திரைப்படமும் ரசிகர்கள் மத்தியில் ஏகபோக வரவேற்பை பெற்று வருகிறது. இதற்கிடையில் ஹரிஷ் கல்யாண், டீசல், நூறு கோடி வானவில் போன்ற படங்களை கைவசம் வைத்துள்ளார். அதேசமயம் அந்தகாரம் படத்தின் இயக்குனர் வி. விக்னராஜன் இயக்கத்திலும் புதிய படம் ஒன்றில் நடிப்பதற்கு கமிட் ஆகியுள்ளார். அடுத்தது கடந்த 2021 ஆம் ஆண்டு கவின் நடிப்பில் வெளியான லிஃப்ட் படத்தின் இயக்குனர் வினீத் வரபிரசாத் இயக்கத்தில் புதிய படம் ஒன்றில் நடிக்க இருக்கிறாராம் ஹரிஷ் கல்யாண். 
ஹாரர் திரில்லர் படமாக வெளியான லிஃப்ட் திரைப்படம் ரசிகர்கள் மத்தியில் நல்ல வரவேற்பை பெற்ற நிலையில் அடுத்ததாக ஹரிஷ் கல்யாண் நடிப்பில் வினீத் வரபிரசாத் இயக்க இருக்கும் புதிய படத்தின் மீதான எதிர்பார்ப்பு அதிகமாகியுள்ளது. எனவே இனிவரும் நாட்களில் இந்த படம் தொடர்பான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.