ஹிப்ஹாப் ஆதியின் இசைக் கச்சேரி… கோவை, சென்னை மக்களுக்கு இசை விருந்து…
கோலிவுட் திரையுலகில் முன்னணி இசை அமைப்பாளராக வலம் வருபவர் ஹிப்ஹாப் ஆதி. இவர் மீசைய முறுக்கு திரைப்படத்தின் மூலம் நடிகராக திரையுலகில் அறிமுகமானார். அதற்கு முன்பாக பல திரைப்படங்களுக்கு அவர் இசை அமைத்திருக்கிறார். இவரது சொந்த வாழ்வையே பயோபிக்காக எடுத்து அவரே அதில் நடித்தும் இருந்தார். இத்திரைப்படம் ரசிகர்கள் மத்தியில் ஏகபோக வரவேற்பை பெற்றது. முதல் படத்திலேயே முத்திரை பதித்தார் ஆதி.
சுந்தர் சி இயக்கத்தில் வௌியான அனைத்து அரண்மனை திரைப்படங்களுக்கும் ஹிப்ஹாப் ஆதி இசை அமைத்திருக்கிறார். இவரது நடிப்பில் இறுதியாக வெளியான திரைப்படம் பிடி சார். இப்படத்தை கார்த்திக் வேணுகோபாலன் இயக்கியிருந்தார். இத்திரைப்படம் கடந்த மாதம் திரையரங்குகளில் வெளியாகி ரசிகர்கள் மத்தியில் ஏகபோக வரவேற்பை பெற்றது. இதனிடையே, இந்த ஆண்டு இறுதியில், வேர்ல்ட் டூர் செல்ல இருப்பதாக ஹிப்ஹாப் ஆதி தெரிவித்திருந்தார். பல நாடுகளுக்கு செல்ல இருப்பதாகவும் அவர் கூறினார்.
இந்நிலையில் தனது முதல் இசைக்கச்சேரி நிகழ்ச்சிகள் நடைபெற இருக்கும் இடங்களையும் தேதிகளும் அறிவிக்கப்பட்டுள்ளன. அதன்படி, வரும் செப்டம்பர் மாதம் 8-ம் தேதி கோவையிலும், செப்டம்பர் 21-ம் தேதி சென்னையிலிம் ஹிப்ஹாப் ஆதியின் இசைக்கச்சேரி நடைபெற உள்ளது.
