நடிகர் தனுஷ் தற்போது குபேரா திரைப்படத்தில் நடித்து வருவதோடு மட்டுமல்லாமல் நிலவுக்கு என் மேல் என்னடி கோபம் என்ற திரைப்படத்தையும் இயக்கி வருகிறார்.
இதற்கிடையில் இவர் தனது 50வது படமான ராயன் திரைப்படத்தை இயக்கி நடித்திருந்தார். இந்த படத்தை சன் பிக்சர்ஸ் நிறுவனம் தயாரிக்க ஓம் பிரகாஷ் ஒளிப்பதிவு செய்து இருந்தார். ஏ ஆர் ரகுமான் இசையமைத்திருந்தார். இந்த படத்தில் தனுஷுக்கு வில்லனாக எஸ் ஜே சூர்யா நடிக்க தம்பிகளாக காளிதாஸ் ஜெயராம் மற்றும் சந்தீப் கிஷன் ஆகியோர் நடித்திருந்தனர். மேலும் தனுஷுக்கு தங்கையாக துஷாரா விஜயன் நடித்திருந்தார். கேங்ஸ்டர் கதைக்களத்தில் உருவாகியிருந்த இந்த படம் கடந்த ஜூலை 26 ஆம் தேதி உலகம் முழுவதும் வெளியானது. 
மிகுந்த எதிர்பார்ப்புகள் உடன் வெளியான இந்த படம் முதல் நாளிலிருந்தே ரசிகர்கள் மத்தியில் நல்ல வரவேற்பை பெற்று வசூல் ரீதியாகவும் வெற்றி பெற்று வருகிறது. அந்த வகையில் இரண்டு நாட்களில் 50 கோடியை தாண்டி உள்ளதாக தகவல் கிடைத்துள்ளது. மேலும் இந்த படமானது பல்வேறு தரப்பினரிடையே பாராட்டுகளை பெற்று வருகிறது. அஜித், விஜய் சேதுபதியை தொடர்ந்து தனுஷுக்கு அவருடைய ஐம்பதாவது திரைப்படம் மிகப்பெரிய அளவில் கை கொடுத்துள்ளது. அதாவது நடிகர் தனுஷ் ஒரு இயக்குனராகவும் சாதித்துக் காட்டியிருக்கிறார் என்று பலரும் தங்களின் கருத்துக்களை தெரிவித்து வருகின்றனர். அதேசமயம் படத்திற்கு ஏ ஆர் ரகுமானின் இசையும் முதுகெலும்பாக அமைந்துள்ளது.
I never imagined when I wrote these two simple words ” usure needhane ” in your magical melody that it would resonate with millions and become iconic. Wow, this is pure goosebumps moment @arrahman sir ♥️ pic.twitter.com/g6TqcE4Wlu
— Dhanush (@dhanushkraja) July 29, 2024
அந்த வகையில் ராயன் திரைப்படத்தில் இடம்பெற்றிருந்த உசுரே நீதானே பாடலும் ரசிகர்களின் பேராதரவை பெற்று ட்ரெண்டிங்கில் இருந்து வருகிறது. எனவே இது குறித்து நடிகர் தனுஷ் தனது சமூக வலைதள பக்கத்தில் பதிவு ஒன்றினை வெளியிட்டுள்ளார். அந்த பதிவில், “உசுரே நீதானே, இந்த இரண்டு எளிய வார்த்தைகளை நான் எழுதும் போது அது மில்லியன் ரசிகர்களை எதிரொளிக்கும், அடையாளமாக மாறும் என்று கற்பனை கூட செய்து பார்க்கவில்லை. இந்தப் பாடல் மெய்சிலிர்க்க வைக்கிறது ஏ.ஆர். ரகுமான் சார்” என்று குறிப்பிட்டுள்ளார்.