இடி முழக்கம் படத்தின் இரண்டாவது பாடல் வெளியாகியுள்ளது.
தமிழ் சினிமாவில் முன்னணி இயக்குனர்களில் ஒருவராக வலம் வருபவர் சீனு ராமசாமி. இவர் தென்மேற்கு பருவக்காற்று, தர்மதுரை, கண்ணே கலைமானே, மாமனிதன் ஆகிய படங்களை இயக்கி ரசிகர்கள் மனதில் நீங்கா இடம் பிடித்துள்ளார். கடைசியாக இவரது இயக்கத்தில் கோழிப்பண்ணை செல்லதுரை திரைப்படம் வெளியானது. அடுத்தது இவர் இடம் பொருள் ஏவல் போன்ற படங்களை கைவசம் வைத்துள்ளார். இதற்கிடையில் இவர் இடி முழக்கம் எனும் திரைப்படத்தையும் இயக்கி இருக்கிறார். இந்த படத்தில் ஜி.வி. பிரகாஷ் கதாநாயகனாக நடிக்க அவருடன் இணைந்து காயத்ரி, எம். எஸ். பாஸ்கர் சரண்யா பொன்வண்ணன் மற்றும் பலர் நடித்துள்ளனர். ஸ்கை மேன் ஃபிலிம்ஸ் இன்டர்நேஷனல் நிறுவனம் இந்த படத்தை தயாரிக்க என் ஆர் ரகுநந்தன் இந்த படத்திற்கு இசையமைத்துள்ளார். நீண்ட நாட்களாக கிடப்பில் போடப்பட்டிருக்கும் இந்த படம் விரைவில் திரைக்கு வரும் என எதிர்பார்க்கப்படுகிறது.
அதே சமயம் இந்த படத்தில் இருந்து அடுத்தடுத்த போஸ்டர்களும், முதல் பாடலும் வெளியாகி நல்ல வரவேற்பை பெற்றது. அதைத்தொடர்ந்து கானா விளக்கு மயிலே எனும் இரண்டாவது பாடல் வெளியாகி உள்ளது. இந்த பாடலை அந்தோணி தாசன் பாடியிருக்கும் நிலையில் வைரமுத்து இப்பாடல் வரிகளை எழுதியுள்ளார். இந்த பாடல் இணையத்தில் வைரலாகி வருகிறது.