இன்று தியேட்டரில் வெளியாகும் கோலிவுட் படங்கள்
நடிகர் விஜயின் பிறந்த நாளை முன்னிட்டு இன்று விஜயின் போக்கிரி, துப்பாக்கி, போன்ற படங்கள் மீண்டும் இன்று (ஜூன் 21) ரிலீஸ் செய்யப்படுகின்றன.
அதே சமயம் கமல்ஹாசன் நடிப்பில் வெளியான குணா திரைப்படமும் இன்று ரீ ரிலீஸ் செய்யப்படுகிறது.
2024 ஆம் ஆண்டின் தொடக்கத்தில் இருந்து தற்போது வரை வெளியான திரைப்படங்களில் அரண்மனை 4, கருடன், மகாராஜா போன்ற படங்கள் ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பை பெற்றுள்ளது. தொடர்ந்து இன்று ஜூன் 21 விதார்த் நடிப்பில் உருவாகி இருக்கும் லாந்தர், பயமறியா பிரம்மை, ரயில் போன்ற திரைப்படங்களும் இன்று திரையரங்குகளில் வெளியாகிறது.
லாந்தர்
விதார்த் நடிப்பில் இயக்குனர் ஷாஜி சலீம் இயக்கத்தில் உருவாகியுள்ள திரைப்படம் தான் லாந்தர். இந்த படத்தில் விதாரத்துடன் இணைந்து ஸ்வேதா டோரத்தி, விபின், சஹானா, பசுபதி ராஜ் போன்றோர் நடித்திருக்கிறார்கள். எம் சினிமா ப்ரொடக்ஷன்ஸ் நிறுவனம் இந்த படத்தை தயாரிக்க பிரவீன் இதற்கு இசையமைத்திருக்கிறார். கிரைம் திரில்லர் கதை களத்தில் உருவாகி இருக்கும் இந்த படமானது இன்று (ஜூன் 21) திரையரங்குகளில் வெளியாகிறது.
பயமறியா பிரம்மை
அறிமுக இயக்குனர் ராகுல் கபாலி இயக்கியுள்ள திரைப்படம் தான் பயமறியா பிரம்மை. இந்த படத்தில் புதுமுக நடிகர் ஜேடி, குரு சோமசுந்தரம், ஜான் விஜய், ஹரிஷ் உத்தமன் போன்றோர் முக்கிய கதாபாத்திரங்களில் நடித்துள்ளனர். இந்த படமும் இன்று திரையரங்குகளில் வெளியாகிறது.
ரயில்
பிரபல எழுத்தாளர் பாஸ்கர் சக்தி இயக்கத்தில் உருவாகியுள்ள திரைப்படம் தான் ரயில். இந்த படத்திற்கு ஆரம்பத்தில் வடக்கன் என்று தலைப்பு வைக்கப்பட்டிருந்த நிலையில் ஒரு சில காரணங்களால் இதன் தலைப்பானது ரயில் என்று மாற்றப்பட்டுள்ளது. 
வட இந்தியாவில் இருந்து தமிழகத்திற்கு வரும் தொழிலாளர்களை மையமாக வைத்து மனிதம் பேசும் படமாக இந்த படம் உருவாகி இருக்கிறது. இப்படம் இன்று திரையரங்குகளில் வெளியாகிறது.