சூர்யா 45 படத்தின் வில்லன் குறித்த தகவல் வெளியாகியுள்ளது.
நடிகர் சூர்யா கங்குவா படத்திற்கு பிறகு ரெட்ரோ எனும் திரைப்படத்தில் நடித்து முடித்துள்ளார். இந்த படத்தின் படப்பிடிப்புகள் முழுவதும் நிறைவடைந்து படமானது ரிலீஸுக்கு தயாராகி வருகிறது. இதற்கிடையில் சூர்யா, ஆர் ஜே பாலாஜி இயக்கத்தில் தனது 45 வது திரைப்படத்தில் நடித்து வருகிறார். இந்த படத்திற்கு தற்காலிகமாக சூர்யா 45 என்று தலைப்பு வைக்கப்பட்டிருக்கும் நிலையில் இந்த படத்தின் படப்பிடிப்புகள் கோயம்புத்தூர் போன்ற பகுதிகளில் விறுவிறுப்பாக நடைபெற்று வருகிறது. இந்த படத்தை ட்ரீம் வாரியார் பிக்சர்ஸ் நிறுவனம் தயாரிக்க சாய் அபியங்கர் இந்த படத்திற்கு இசையமைக்கிறார். ஜி கே விஷ்ணு இதன் ஒளிப்பதிவு பணிகளை கவனிக்கிறார். இந்த படத்தில் சூர்யாவுடன் இணைந்து திரிஷா, சுவாசிகா, நட்டி நட்ராஜ், ஷிவதா, யோகி பாபு மற்றும் பலர் நடித்து வருகின்றனர். 
மேலும் இவர்களுடன் இணைந்து நடிகரும் இயக்குனருமான ஆர்.ஜே பாலாஜி முக்கிய கதாபாத்திரத்தில் நடித்து வருகிறார் என ஏற்கனவே செய்திகள் கசிந்தது. இந்நிலையில் இதன் கூடுதல் தகவல் என்னவென்றால், இந்த படத்தில் ஆர்.ஜே. பாலாஜி சூர்யாவிற்கு வில்லனாக நடித்து வருகிறார் என்று புதிய தகவல்கள் தெரிவிக்கின்றன. இந்த தகவல் இப்படத்தின் மீதான எதிர்பார்ப்பை மிகப்பெரிய அளவில் தூண்டியுள்ளது. மற்ற அப்டேட்டுகள் இனிவரும் நாட்களில் வெளியாகும் என எதிர்பார்க்கப்படுகிறது.