நடிகர் சூர்யா தற்போது கங்குவா எனும் திரைப்படத்தில் நடித்து முடித்துள்ளார். சிறுத்தை சிவா இயக்கியிருக்கும் இந்த படம் வருகின்ற நவம்பர் 14ஆம் தேதி உலகம் முழுவதும் திரைக்கு வர தயாராகி வருகிறது. 3D தொழில்நுட்பத்தில் பிரம்மாண்டமாக தயாராகி இருக்கும் இந்த படம் பீரியாடிக் படமாக உருவாகி இருக்கிறது.
இதில் நடிகர் சூர்யா இரட்டை இடங்களில் நடித்திருக்கிறார். இந்த படத்தின் ப்ரோமோஷன் பணிகள் தற்போது விறுவிறுப்பாக நடைபெற்று வருகிறது. அதன்படி கங்கவா ப்ரோமோஷன் நிகழ்ச்சியில் கலந்து கொண்ட போது, நடிகர் பாலையா நடிகர் கார்த்திக்கு போன் செய்து, சூர்யாவின் முதல் க்ரஷ் யார்? என்று கேட்டார். அப்போது நடிகர் கார்த்தி, “சூர்யாவிற்கு நடிகைகள் என்றாலே பிடிக்கும். அதிலும் அந்த சிக்கு புக்கு ரயிலே பாடலில் வரும் நடிகையை ரொம்ப பிடிக்கும்” என்று சொன்னார். அப்போது பாலையா, கௌதமியா? என்று கேட்க கார்த்தியும் ஆமாம் என்று சொன்னார். அடுத்தது பாலையா நாளைய நாளிதழில் இதுதான் அதிர்ச்சிகரமான தகவல் என்று கிண்டலாக பேசினார். இது தொடர்பான வீடியோ இணையத்தில் வைரலாகி வருகிறது.
மேலும் நடிகர் சூர்யா, கார்த்திக் சுப்பராஜ் இயக்கத்தின் தனது 44வது திரைப்படத்தில் நடித்து முடித்துள்ளார். அடுத்தது ஆர்.ஜே. பாலாஜி, வெற்றிமாறன் ஆகியோரின் இயக்கத்தில் தனது அடுத்தடுத்த படங்களில் நடிப்பதற்கு கமிட்டாகியுள்ளார் என்பது குறிப்பிடத்தக்கது.