நடிகர் ஜெயம் ரவி தற்போது கிருத்திகா உதயநிதி ஸ்டாலின் இயக்கத்தில் உருவாகி வரும் காதலிக்க நேரமில்லை, அறிமுக இயக்குனர் புவனேஷ் அர்ஜுனன் இயக்கும் ஜீனி போன்ற படங்களை கைவசம் வைத்துள்ளார்.
மேலும் இவர் பிரதர் எனும் திரைப்படத்திலும் நடித்துள்ளார். இந்த படத்தை சிவா மனசுல சக்தி, ஒரு கல் ஒரு கண்ணாடி, பாஸ் என்கிற பாஸ்கரன் உள்ளிட்ட படங்களை இயக்கிய எம் ராஜேஷ் இயக்கியுள்ளார். இந்தப் படத்தில் ஜெயம் ரவி, பிரியங்கா மோகன், சரண்யா பொன்வண்ணன், பூமிகா சாவ்லா, விடிவி கணேஷ், நட்ராஜ் சுப்பிரமணியம், சீதா, சதீஷ் கிருஷ்ணன், எம் எஸ் பாஸ்கர் போன்ற பல நடிகர்கள் நடித்துள்ளனர். ஸ்கிரீன் சீன் மீடியா நிறுவனம் எந்த படத்தை தயாரிக்க விவேகானந்த் சந்தோஷம் படத்திற்கு ஒளிப்பதிவு செய்துள்ளார். ஹாரிஸ் ஜெயராஜ் இதற்கு இசை அமைத்திருக்கிறார். இந்த படமானது அக்கா – தம்பி உறவு முறையை மையமாக வைத்து உருவாக்கப்படுகிறது.
𝗚𝗲𝘁 𝗥𝗲𝗮𝗱𝘆 𝘁𝗼 𝗹𝗮𝘂𝗴𝗵 𝗮𝗻𝗱 𝗹𝗼𝘃𝗲 𝘄𝗶𝘁𝗵 𝗬𝗼𝘂𝗿 𝗛𝗲𝗮𝗿𝘁 💕@actor_jayamravi ‘s #Brother Satellite📡 & Digital rights 📺 acquired by @ZeeTamil & @ZEE5Tamil 💥@rajeshmdirector @Jharrisjayaraj @priyankaamohan @bhumikachawlat pic.twitter.com/mw2YIA5kqr
— Screen Scene (@Screensceneoffl) July 13, 2024
இந்தப் படம் தற்போது ரிலீஸுக்கு தயாராகி வரும் நிலையில் சமீபத்தில் இதன் முன்னோட்ட வீடியோவும் அதற்கு முன்பாக பர்ஸ்ட் லுக் போஸ்டரும் வெளியாகி ரசிகர்களின் கவனம் பெற்றது. இந்நிலையில் இந்த படம் தொடர்பான அடுத்த அப்டேட் வெளியாகி உள்ளது. அதாவது பிரதர் படத்தின் சேட்டிலைட் மற்றும் டிஜிட்டல் உரிமைகளை ஜீ தமிழ் மற்றும் ஜீ 5 தமிழ் ஆகிய நிறுவனங்கள் கைப்பற்றியுள்ளதாக பட குழுவினர் புதிய வீடியோ ஒன்றை வெளியிட்டு அதிகாரப்பூர்வமாக அறிவித்துள்ளனர். இந்த வீடியோ இணையத்தில் வைரலாகி வருகிறது.