நடிகர் ஜெயம் ரவி கடைசியாக சைரன் திரைப்படத்தில் நடித்திருந்தார். அதை தொடர்ந்து ஜீனி, ப்ரதர் போன்ற பல படங்களை கைவசம் வைத்துள்ளார். 
அடுத்ததாக எதற்கும் துணிந்தவன் படத்தில் இயக்குனர் பாண்டிராஜ் இயக்கத்தில் புதிய படம் ஒன்றில் நடிக்க இருக்கிறார் ஜெயம் ரவி. இதற்கிடையில் இவர் காதலிக்க நேரமில்லை எனும் திரைப்படத்திலும் நடித்துள்ளார். இந்த படத்தை கிருத்திகா உதயநிதி இயக்க ரெட் ஜெயன்ட் மூவிஸ் நிறுவனம் தயாரித்துள்ளது. ஏ ஆர் ரகுமான் இதற்கு இசையமைத்துள்ளார். இந்த படத்தில் ஜெயம் ரவியுடன் இணைந்து நித்யா மேனன் முக்கிய கதாபாத்திரத்தில் நடித்துள்ளார். மேலும் இவர்களுடன் இணைந்து யோகி பாபு, வினய் ராய், லால், ஜான் கொக்கென், வினோதினி உள்ளிட்ட பலர் நடித்துள்ளனர். இந்த படம் ரொமான்டிக் காதல் கதைக்களத்தில் தயாராகியுள்ளது. அதேசமயம் படத்தின் ஃபர்ஸ்ட் லுக் போஸ்டர் வெளியாகி ரசிகர்களின் கவனம் ஈர்த்தது. ஏற்கனவே இந்த படத்தின் படப்பிடிப்புகள் முழுவதும் நிறைவடைந்து படமானது ரிலீஸுக்கு தயாராகி வருகிறது.
அதன்படி படத்தை ஜூலை அல்லது ஆகஸ்ட் மாதத்தில் வெளியிட படக்குழுவினர் திட்டமிட்டு வருகின்றனர். இந்நிலையில் இந்த படத்தின் க்ளிம்ப்ஸ் வீடியோ வெளியாகி இணையத்தில் வைரலாகி வருகிறது. மேலும் இந்த படத்தின் ஆடியோ உரிமையை டி சீரிஸ் நிறுவனம் கைப்பற்றியுள்ளதாகவும் தெரிவிக்கப்பட்டுள்ளது. எனவே படம் தொடர்பான அடுத்தடுத்த அப்டேட்டுகள் விரைவில் வெளியாகும் என்று நம்பப்படுகிறது.