அமரன் படத்தை பாராட்டி ஜோதிகா வெளியிட்ட பதிவு வைரலாகி வருகிறது.
கடந்த அக்டோபர் 31ஆம் தேதி தீபாவளி தினத்தன்று சிவகார்த்திகேயன் நடிப்பில் அமரன் எனும் திரைப்படம் வெளியானது. இந்த படத்தை ராஜ்குமார் பெரியசாமி இயக்க கமல்ஹாசன் இந்த படத்தை தயாரித்திருந்தார். முகுந்த் வரதராஜனின் வாழ்க்கை வரலாற்றை மையமாக வைத்து உருவாக்கப்பட்டு இருந்த இந்த படம் ரசிகர்கள் மத்தியில் பெரும் வரவேற்பை பெற்று வருகிறது. சிவகார்த்திகேயன் மற்றும் சாய் பல்லவி ஆகிய இருவரின் நடிப்பும் ரசிகர்களை வெகுவாக கவர்ந்து கைத்தட்டல் பெறுகிறது. ஜி.வி. பிரகாஷின் இசை படத்திற்கு மிகப்பெரிய பலம் சேர்த்துள்ளது. இவ்வாறு பாசிட்டிவான விமர்சனங்களை பெற்று வரும் இந்த படம் தற்போது வரை தமிழ்நாட்டில் மட்டுமே கிட்டத்தட்ட 77 கோடி வரை வசூல் செய்துள்ளதாகவும் உலக அளவில் 150 கோடி வரை வசூல் செய்து இருப்பதாகவும் தகவல் வெளியாகி வருகிறது. மேலும் பல்வேறு தரப்பினர் இடையே பாராட்டுகளையும் பெற்று வருகிறது. அந்த வகையில் இந்த படத்தை ரஜினி, சிவகுமார் உள்ளிட்ட பிரபலங்கள் பாராட்டி வருகின்றனர். அந்த வகையில் நடிகை ஜோதிகா தனது இன்ஸ்டாகிராம் பக்கத்தில் அமரன் திரைப்படம் குறித்து பதிவு ஒன்றினை வெளியிட்டுள்ளார். அந்த பதிவில், “அமரன் படக்குழுவினருக்கு சல்யூட். இயக்குனர் ராஜ்குமார் பெரியசாமி வைரத்தை உருவாக்கியுள்ளார். ஜெய் பீம் படத்திற்கு பிறகு தமிழ் சினிமாவில் அமரன் படம் உன்னதமான படமாக அமைந்திருக்கிறது. 
சிவகார்த்திகேயனின் கடின உழைப்பை நினைத்து பார்க்க முடிகிறது. சாய்பல்லவி என்ன ஒரு நடிகை. கடைசி 10 நிமிடங்களில் என் இதயத்தை உலுக்கிவிட்டார். உங்களை நினைக்கும் போது பெருமையாக இருக்கிறது. திருமதி இந்து ரெபேக்கா வர்கீஸ் , உங்களுடைய தியாகமும், பாசிட்டிவ்வான எண்ணமும் எங்கள் இதயங்களை தொட்டுவிட்டது. மேஜர் முகுந்த் வரதராஜன், ஒவ்வொரு குடிமகனும் உங்களை கொண்டாடுவதை பார்த்துக் கொண்டிருப்பீர்கள். உங்களைப் போன்ற தைரியமும் வீரமும் உடையவர்களாக எங்களது குழந்தைகளையும் வளர்க்க விரும்புகிறோம். ரசிகர்களே, இந்த வைரத்தை தயவுசெய்து தவறவிடாதீர்கள். இந்தியன் ஆர்மிக்கு இந்த படம் சமர்ப்பணம். ஜெய்ஹிந்த்” என்று குறிப்பிட்டுள்ளார்.