கலைஞர் 100 விழா ஜனவரிக்கு ஒத்திவைப்பு… வெள்ள பாதிப்பால் அவசர முடிவு…

தமிழ் திரையுலகம் சார்பில் கொண்டாடப் பட இருந்த கலைஞர் 100 விழா, கனமழை மற்றும் வெள்ள பாதிப்பு காரணாக ஜனவரி மாதத்திற்கு ஒத்தி வைக்கப்பட்டுள்ளது.

மறைந்த திமுக தலைவரும் முன்னாள் முதல்வருமான கலைஞர் கருணாநிதியின் 100-வது பிறந்த நாள் நடப்பு ஆண்டு முழுவதும் நூற்றாண்டு விழாவாக கொண்டாடப்பட்டு வருகிறது. தமிழக அரசின் சார்பிலும், திமுக சார்பிலும் பல விதமான சிறப்பு நிகழ்ச்சிகளும், கூட்டங்களும் நடைபெற்றன. தமிழக அரசு சார்பிலும் நூற்றாண்டு விழாவைப் பிரமாண்டமாகக் கொண்டாட முடிவு செய்யப்பட்டது. இந்நிலையில் கலைஞர் நூற்றாண்டு விழாவைத் தமிழ்த் திரையுலகம் சார்பிலும் கொண்டாட ஏற்கனவே திட்டமிடப்பட்டது. இதற்கான பிரமாண்ட விழா அடுத்த மாதம் சென்னையில் நடக்கிறது. விழாவிற்கான ஏற்பாடுகளைத் தமிழ்த் திரைப்படத் தயாரிப்பாளர்கள் சங்கத்தினர் செய்து வருகின்றனர்.

திலையுலகினர் நடத்தும் கலைஞர் 100 பிரம்மாண்ட நிகழ்ச்சி ஜனவரி 6-ம் தேதிக்கு ஒத்தி வைக்கப்பட்டு உள்ளது. முன்னதாக டிசம்பர் 24-ம் தேதி நடத்த திட்டமிடப்பட்டிருந்தது. ஆனால், சென்னையில் ஏற்பட்ட கனமழை மற்றும் வெள்ள பாதிப்பு காரணமாக நிகழ்த்தி தள்ளி வைக்கப்பட்டு உள்ளது. நிகழ்ச்சியில் பங்கேற்க தமிழ் நடிகர், நடிகைகள், இயக்குநர்கள், தயாரிப்பாளர்கள் மற்றும் தொழில்நுட்ப கலைஞர்கள் அனைவருக்கும் அழைப்பு விடுக்கப்பட்டு உள்ளது. மேலும், அஜித், விஜய் உள்பட உச்ச நட்சத்திரங்கள் அனைவருக்கும் தமிழ் திரைப்பட தயாரிப்பாளர்கள் சங்கத்தினர் நேரில் சென்று அழைப்பு விடுத்திருக்கின்றனர்.