கலையரசன் நடிக்கும் ஹாட் ஸ்பாட் படத்தின் ரிலீஸ் தேதி அறிவிக்கப்பட்டுள்ளது.
நடிகர் கலையரசன், பா ரஞ்சித் இயக்கத்தில் வெளியான மெட்ராஸ் படத்தின் மூலம் ரசிகர்களுக்கு பரீட்சையமானவர். அதைத்தொடர்ந்து சூர்யாவுடன் இணைந்து தானா சேர்ந்த கூட்டம், போன்ற படங்களில் முக்கிய கதாபாத்திரத்தில் நடித்துள்ளார்.
தொடக்க காலத்தில் ஜீவாவின் நடிப்பில் வெளியான முகமூடி உள்ளிட்ட பல படங்களில் சிறிய கதாபாத்திரத்தில் இவர் நடிக்க தொடங்கினார். பின்னர் துணை நடிகராக பல படங்களில் நடித்து அதைத்தொடர்ந்து ஹீரோவாகவும் பல படங்களில் நடித்துள்ளார். அந்த வரிசையில் தற்போது ஹாட் ஸ்பாட் எனும் திரைப்படத்தில் நடித்துள்ளார். இந்த படத்தில் கலையரசனுடன் இணைந்து சாண்டி மாஸ்டர், கௌரி கிஷன், அம்மு அபிராமி, ஆதித்யா பாஸ்கர், ஜனனி ஐயர் உள்ளிட்டோர் முக்கிய கதாபாத்திரங்களில் நடித்துள்ளனர். கே ஜே பி டாக்கிஸ் நிறுவனமும் 7 வாரியர் பிலிம்ஸ் நிறுவனமும் இணைந்து இந்த படத்தை தயாரித்துள்ளது. இந்த படத்தை ஜி.வி. பிரகாஷ் நடிப்பில் வெளியான அடியே படத்தை இயக்கிய விக்னேஷ் கார்த்தி இயக்கியுள்ளார்.
சதீஷ் ரகுநாதன் – வான் உள்ளிட்டோரின் இசையமைப்பிலும் கோகுல் பினாயின் ஒளிப்பதிவுகளும் இந்த படம் தயாராகியுள்ளது. இந்த படத்தின் ஃபர்ஸ்ட் லுக் போஸ்டர் கடந்த சில தினங்களுக்கு முன்பாக வெளியாகி நல்ல வரவேற்பை பெற்றது. இந்நிலையில் இந்த படம் வருகின்ற மார்ச் 29ஆம் தேதி வெளியாக இருப்பதாக படக்குழுவினர் புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளனர்.