அதிரடி கிளப்ப காத்திருக்கும் கல்கி 2898 AD… வெளியானது ரிலீஸ் டிரைலர்
பிரபாஸ் நடிப்பில் திரையரங்குகளில் வெளியாக இருக்கும் புதிய திரைப்படம் கல்கி ஏடி 2898. இத்திரைப்படத்தை நாக் அஸ்வின் இயக்கி இருக்கிறார். இவர் ஏற்கனவே நடிகையர் திலகம் என்ற திரைப்படத்தை இயக்கி புகழ் பெற்றவர் ஆவார். தற்போது இவரது இயக்கத்தில் உருவாகியிருக்கும் புதிய திரைப்படம் தான் கல்கி. இத்திரைப்படத்தில் கமல்ஹாசன், அமிதாப் பச்சன், தீபிகா படுகோன், திஷா பதானி, பசுபதி ஆகியோர் முக்கிய கதாபாத்திரங்களில் நடித்துள்ளனர்.
வை ஜெயந்தி மூவிஸ் நிறுவனம் இந்த படத்தை தயாரித்து உள்ளது. சயின்ஸ் பிக்சன் கதைக்களத்தில் இத்திரைப்படம் உருவாகி இருக்கிறது. படத்திற்கு சந்தோஷ் நாராயணன் இசை அமைத்துள்ளார். படத்தின் டிரைலர் அண்மையில் வெளியாகி பெரும் வரவேற்பை பெற்றது. கல்கி திரைப்படம் வரும் ஜூன் மாதம் 27-ம் தேதி திரையங்குகளில் வெளியாக உள்ளது.
படத்திற்கான புரமோசன் பணிகளையும் படக்குழு தீவிரப்படுத்தி வருகிறது. இந்நிலையில், கல்கி திரைப்படத்தின் ரிலீஸ் டிரைலரை படக்குழு வெளியிட்டுள்ளது. இது இணையத்தில் டிரெண்டாகி வருகிறது.
