மணிரத்தினம் இயக்கத்தில் கடந்த 1987-ல் வெளியான நாயகன் திரைப்படத்தில் கமல்ஹாசன் நடித்திருந்தார். இந்தப் படம் ரசிகர்கள் மத்தியில் மாபெரும் வெற்றி பெற்றது. அதைத்தொடரில் 36 ஆண்டுகள் கழித்து தற்போது மணிரத்தினம், கமல்ஹாசன் ஆகியோரின் கூட்டணியில் தக் லைஃப் எனும் திரைப்படம் உருவாகியிருக்கிறது. கமல்ஹாசனின் 234 வது படமான இந்த படத்தில் கமல்ஹாசன் உடன் இணைந்து ஜெயம் ரவி, துல்கர் சல்மான், திரிஷா உள்ளிட்ட பலர் நடிக்க இருக்கின்றனர். சமீபத்தில் இந்த படம் சம்பந்தமான அறிவிப்பு வீடியோவையும் வெளியிட்டு கவனம் ஈர்த்தனர். மேலும் இந்த படத்தினை கமல்ஹாசனின் ராஜ் கமல் பிலிம்ஸ் இன்டர்நேஷனல் நிறுவனம் தயாரிக்க உள்ள நிலையில் ஏ ஆர் ரகுமான் இதற்கு இசை அமைக்க இருக்கிறார். இப்படம் மாஸான கேங்ஸ்டர் ஆக்சன் படமாக உருவாக இருக்கிறதாம்.
நடிகர் கமல்ஹாசன் இந்தியன் 2, இந்தியன் 3, KH233, கல்கி 2898AD போன்ற படங்களில் கமிட்டாகி இருந்ததால் தக் லைஃப் படத்தின் படப்பிடிப்பு 2024 ஜூலை மாதத்தில் தொடங்கும் என ஏற்கனவே செய்திகள் வெளியானது. ஆனால் தற்போதைய தகவல் என்னவென்றால் தக் லைஃப் படத்தின் படப்பிடிப்பு சென்னையில் இந்த மாத இறுதியில் தொடங்கப்படும் என நம்பத் தகுந்த வட்டாரங்கள் தெரிவிக்கின்றன. எனினும் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.
மேலும் தக் லைஃப் படப்பிடிப்பிற்கு பிறகு தான் எச்பினோத் இயக்க உள்ள புதிய படத்தில் கமல்ஹாசன் நடிக்க உள்ளார் என்றும் கூறப்படுகிறது.