கனா பட நடிகர் தர்ஷனின் அடுத்த படம் குறித்த முக்கிய அறிவிப்பு வெளியாகி உள்ளது.
நடிகர் தர்ஷன் தமிழ் சினிமாவில் ஆரம்பத்தில் சிவகார்த்திகேயன் நடிப்பில் வெளியான ரஜினி முருகன் என்ற படத்தில் சிறிய கதாபாத்திரத்தில் நடித்திருந்தார். அதன் பின்னர் இவர் சிவகார்த்திகேயன் தயாரிப்பில் வெளியான ‘கனா’ படத்தில் கதாநாயகனாக அறிமுகமானார். அதைத் தொடர்ந்து தும்பா படத்திலும் கதாநாயகனாக நடித்திருந்தார். மேலும் அஜித்தின் துணிவு, சிவகார்த்திகேயனின் அயலான் போன்ற படங்களிலும் நடித்திருந்தார். இதற்கிடையில் இவர் குக் வித் கோமாளி போன்ற நிகழ்ச்சிகளிலும் கலந்து கொண்டுள்ளார். அந்த வகையில் இவருக்கு ஏராளமான ரசிகர்கள் இருக்கிறார்கள். தற்போது இவர், புதிய படம் ஒன்றில் ஹீரோவாக நடித்து வருகிறார். 
இந்த படத்தை அறிமுக இயக்குனர் ராஜவேல் இயக்க ப்ளே ஸ்மித் நிறுவனமும் சௌத் ஸ்டுடியோஸ் நிறுவனமும் இணைந்து தயாரிக்கிறது. இந்த படத்தில் தர்ஷன் உடன் இணைந்துnஅர்ஷா பைஜு, காளி வெங்கட், வினோதினி, தீனா மற்றும் பலர் நடிக்கின்றனர். இந்த படம் கலகலப்பான பேண்டஸி ஜானரில் உருவாகிறது. அதன்படி கடந்த ஆண்டு மே மாதம் இந்த படத்தின் படப்பிடிப்புகள் பூஜையுடன் தொடங்கப்பட்டு விறுவிறுப்பாக நடைபெற்று வந்தது. இந்நிலையில் இந்த படத்தின் முக்கிய அறிவிப்பு இன்று (பிப்ரவரி 10) மாலை 6.06 மணியளவில் வெளியாகும் என படக்குழு அதிகாரப்பூர்வமாக அறிவித்துள்ளது.