காஞ்சனா 4 படப்பிடிப்பு ஏற்கனவே தொடங்கி விட்டதாக தகவல் வெளியாகியுள்ளது.
தமிழ் சினிமாவில் பிரபல நடிகராகவும், இயக்குனராகவும், தயாரிப்பாளராகவும் நடன இயக்குனராகவும் வலம் வருகிறார். இவரது நடிப்பில் கடைசியாக ஜிகர்தண்டா டபுள் எக்ஸ் திரைப்படம் வெளியானது. அதைத்தொடர்ந்து இவர் பென்ஸ், ஹண்டர், கால பைரவா ஆகிய படங்களை கைவசம் வைத்திருக்கிறார். இதற்கிடையில் இவர் காஞ்சனா 4 திரைப்படத்தை தானே தயாரித்து, இயக்கி, நடிக்கப் போவதாக அறிவித்திருந்தார். அதன்படி இந்த படத்தின் படப்பிடிப்பு கடந்த 2024 செப்டம்பர் மாதத்தில் தொடங்க இருப்பதாக தெரிவிக்கப்பட்டிருந்தது. ஆனால் ஒரு சில காரணங்களால் கடந்த ஆண்டில் படப்பிடிப்பு தொடங்கப்படவில்லை. இந்நிலையில் கடந்த ஜனவரி 23ஆம் தேதி படத்தின் படப்பிடிப்பு தொடங்கப்பட்டு விறுவிறுப்பாக நடைபெற்று வருவதாக தயாரிப்பாளர் தரப்பில் இருந்து தகவல் வெளியாகியிருக்கிறது.
இந்த படத்தினை பான் இந்திய அளவில் வெளியிட படக்குழு திட்டமிட்டு வருவதாக தெரியவந்துள்ளது. மேலும் இந்த படத்தில் நடிகை பூஜா ஹெக்டே, நோரா ஃபதேஹி ஆகியோர் முக்கிய கதாபாத்திரங்களில் நடித்து வருகின்றனர் என்பது குறிப்பிடத்தக்கது.
மேலும் காஞ்சனா 4 திரைப்படமானது ராகவா லாரன்ஸ் இயக்கி நடித்த முனி, காஞ்சனா, காஞ்சனா 2, காஞ்சனா 3 ஆகிய படங்களைப் போல் ரசிகர்கள் மத்தியில் நல்ல வரவேற்பை பெறும் என்று எதிர்பார்க்கப்படுகிறது.