நடிகர் மாதவன் மற்றும் கங்கனா ரனாவத் இணைந்து நடிக்கும் புதிய படம் குறித்த தகவல் வெளியாகியுள்ளது.
நடிகை கங்கனா ரணாவத் பாலிவுட்டில் முன்னணி நடிகையாக வலம் வருபவர்.
இவர் தமிழில் ஜெயம் ரவியின் ‘தாம் தூம்’ படத்தின் மூலம் அறிமுகமானவர். அதன் பின் தற்போது ராகவா லாரன்ஸ் நடிப்பில் பி.வாசு இயக்கி வரும் ‘சந்திரமுகி 2’ படத்தில் நடித்து முடித்துள்ளார்.
மேலும் சிறந்த நடிகைக்கான விருதுகளை பல முறை பெற்றுள்ள இவர், தற்போது மீண்டும் தமிழில் நடிகர் மாதவனுடன் இணைந்து நடிப்பதாக தகவல் வெளியாகியுள்ளது.
பிரபல நடிகரான ‘மாதவன்’ ‘ராக்கெட்ரி தி நம்பி விளைவு’ படத்தின் மூலம் இயக்குனராக அறிமுகமாகி வெற்றி பெற்றார். இந்த படம் இஸ்ரோ விஞ்ஞானி நம்பி நாராயணனின் வாழ்க்கையை மையமாக வைத்து உண்மை சம்பவத்தின் அடிப்படையில் உருவாக்கப்பட்டிருந்தது. மாதவன் தற்போது ‘தி டெஸ்ட்’ படத்தில் நடித்து முடித்துள்ளார்.
இதற்கிடையில் கடந்த 2011 ஆம் ஆண்டு ஹிந்தியில் வெளிவந்த ‘தனு வெட்ஸ் மனு’ திரைப்படத்தில் மாதவனும் கங்கனா ரனாவத்தும் நடித்திருந்தனர்.
தற்போது இவர்கள் மீண்டும் தமிழில் இணைய இருப்பது ரசிகர்களிடையே பெரும் எதிர்பார்ப்பை ஏற்படுத்தியுள்ளது.
மேலும் டிரிடண்ட் ஆர்ட்ஸ் நிறுவனம் தயாரிக்கும் இந்த படத்தின் இயக்குனர் குறித்து முடிவு செய்யப்படவில்லை என்றும் கூறப்படுகிறது.